Nadzvyčajnaje zdareńnie adbyłosia na terytoryi pryvatnaha domaŭładańnia.
23 krasavika ŭ 15:06 žycharka vioski Hałynka Vaŭkavyskaha rajona paviedamiła ŭ słužbu «101», što jaje 73-hadovamu mužu zacisnuła ruku ŭ kartofielesažałcy, mužčyna vyhladaje niežyvym.
Vyśvietliłasia, što švedar piensijaniera zachapiła vałam pryvada, a paśla zacisnuła i ruku.
Rabotniki MNS pry dapamozie hidraŭličnych nažnic raścisnuli reduktar, prakrucili vał pryvada i vysvabadzili ruku paciarpiełaha.
Reanimacyjnyja mierapryjemstvy, praviedzienyja bryhadaj chutkaj miedycynskaj dapamohi, vynikaŭ nie dali.
Sa słoŭ miedycynskich rabotnikaŭ, z-za bolevaha šoku ŭ paciarpiełaha adbyŭsia sardečny prystup, jaki i staŭ pryčynaj śmierci.
Kamientary