Jany vyrablajucca chutčej jak suvienirnaja pradukcyja, ale i ad pistaleta abaroniać.
Charkaŭski zavod srodkaŭ indyvidualnaj abarony vyrablaje abšytyja nacyjanalnym uzoram broniekamizelki LSV-UKR, raspaviadaje ATN Charkaŭ.
Ideja bronievyšyvanki źjaviłasia jašče ŭ časy Jeŭramajdana — tak zavod chacieŭ prademanstravać svoj patryjatyzm u ciažkija dla krainy časy.
Pakul vypuščana 70 bronievyšyvanak. Kala 30 ź ich pajechała da ŭkrainskich vajskoŭcaŭ pad Łuhansk. Peŭnaja častka była padoranaja aktyvistam ci pradadzienaja (hrošy z prodažu pajšli na patreby ŭkrainskaha vojska).
Bronievyšyvanka moža abaranić ad strełu ź pistaleta, samarobnaj zbroi ci askiepkaŭ vybuchu. Ad aŭtamata Kałašnikava jana ŭžo nie abaronić.
Paśla pačatku maštabnych bajavych dziejańniaŭ popyt na bronievyšyvanki ŭpaŭ — zaraz kuplajuć srodki bolš vysokaha kłasu abarony. Paśla zaviaršeńnia bajavych dziejańniaŭ zavod płanuje padaryć bronievyšyvanki ŭsim vajskoŭcam Ukrainy jak simvał pieramohi.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary