Jana dała vielmi ščyraje intervju prahramie «Zory nie śpiać» telekanała «Biełsat». Voś niekatoryja vykazvańni i poŭnaje videa hutarki.
Paša Jakubovič kaža mnie: «Śvieta, treba sustrakacca z Alaksandram Ryhoravičam, treba na jaho treba ŭpłyvać…» Na što ja raśśmiajałasia i kažu: «Upłyvać na našaha prezidenta ciapier, praz 20 hadoŭ ułady? Na jaho i ŭ pieršy hod niemahčyma było ŭpłyvać».
Ja nievysakamierna staŭlusia da svajho domu, tamu i viarnułasia. Ja chaču žyć siarod svaich ludziej, siarod svaich piejzažaŭ, siarod zrazumiełaha mnie žyćcia…
Čaho ja tolki ni čytaju pra siabie ad tych ža biełaruskamoŭnych aŭtaraŭ! Spačatku ja była rasiejskaj, ciapier ja savieckaja piśmieńnica. Tolki niedzie ja vystuplu, usio adrazu pieravaročvajuć na movu. Varta mnie vystupić niedzie, jak tut ža ŭsio budzie na movu pieraviernuta. Nie na sens, a na movu… My skancentravanyja na movie, na jakoj jon havoryć, a koła idej niama… Elita pavinna farmulavać idei dla narodu, a elita zaniataja tusoŭkaj…
Radyjo «Svaboda» absłuhoŭvaje hieta. I jano vielmi złoje, vielmi małaadukavanaje — prymityŭnaje takoje hieta. Tyja, chto pišuć tam kamientary… Złyja, prymityŭnyja… «Jana piša pa-rasiejsku», — voś pretenzija maleńkaj biełaruskamoŭnaj tusoŭki…
Hetaja dyskusija [vakoł premii ] śviedčyć pra zakrytaść biełaruskamoŭnaha asiarodździa. Jano maleńkaje, chvaravitaje, ambicyjnaje, i kali tak budzie siabie pavodzić, to nikoli nie budzie ŭspryniataje hramadstvam. Heta ŭsio bura ŭ šklancy PEN-centra, Sajuzu piśmieńnikaŭ, maleńkaj biełaruskamoŭnaj tusoŭki. A vyjdziecie na vulicy i pabačycie, što ŭ ludziej inšaje ŭ hałovach. Ale nie kažu, što narod drenny. Elita pavinna farmulavać idei dla naroda… Para vyłazić ź biełaruskamoŭnaha akopa i być adkrytym śvietu…
Nacyjanalnaha čałavieka ŭ nas pakul niama. My pakul pryleplenyja da ruskaha telebačańnia.
My žyviom u pramiežkavy čas…
My čałavieka spraščali, a jon nie taki…
Kali ja viarnułasia paśla 11 hadoŭ [žyćcia ŭ zamiežžy], to tut [znajšła] sucelny zmrok. Biełaruś — maleńkaja pravincyjnaja dyktatura ŭ paraŭnańni z toj samaj Rasijaj, jakaja pieratvaryłasia ŭ pahrozu dla ŭsiaho śvietu…
Hladzicie na Rasiju: jana zvarjacieła, 84% padtrymlivajuć Pucina. Niama kultury žyćcia, jość kultura vajny. I biełarusaŭ taksama ŭciahvaje ŭ hetuju varonku. Adzinaje, što nas moža ŭratavać, heta toje, što mientalnaść biełarusaŭ inšaja…
U hetaj krainie [Biełarusi] treba žyć doŭha, treba žyć sto hadoŭ, kab niešta zrazumieć i niešta zrabić…
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
-
Fiaduta pra Aŭtuchoviča: U dvoryku «Amierykanki» jon uparta rabiŭ praktykavańni, imknučysia padtrymlivać siabie ŭ formie
-
Ci jość siarod siłavikoŭ u turmach i kałonijach dobryja ludzi? Adkazvaje Łosik
Ciapier čytajuć
Siarhiej Cichanoŭski pierabraŭsia žyć u Łos-Andželes72
Kamientary