Łukašenka paśla majskich śviataŭ źbirajecca naviedać MAZ, MTZ, Minski matorny zavod
Alaksandr Łukašenka paśla majskich śviataŭ maje namier naviedać MAZ, MTZ, Minski matorny zavod. Pra heta paviedamiła žurnalistam pa vynikach narady ŭ kiraŭnika dziaržavy pa pytańniach raźvićcia Minska namieśnik premjer-ministra Natalla Kačanava.
Natalla Kačanava adznačyła, što na naradzie była pastaŭlena zadača razabracca z pracaj hetych pradpryjemstvaŭ. «Dla taho kab vyśvietlić realnuju karcinu, ja sama płanuju ich naviedać, sustrecca z pracoŭnymi kalektyvami i pahladzieć na pracu kirujučych kadraŭ», — skazała vice-premjer.
Na naradzie razmova išła nie tolki ab pracy pramysłovaha kompleksu stalicy, ale i ab pytańniach dobraŭparadkavańnia i naviadzieńnia paradku ŭ horadzie da Dnia Pieramohi.
Staršynia Minharvykankama Andrej Šorac prainfarmavaŭ ab budaŭnictvie centra mastackaj himnastyki. Pavodle jaho słoŭ, paśla źmieny zabudoŭščyka pačata pieraprajektavańnie centra i ŭžo ŭ bližejšy čas płanujecca pačatak jaho budaŭnictva. Kiraŭnik dziaržavy źviarnuŭ asablivuju ŭvahu na ekanomiju srodkaŭ pry ŭźviadzieńni centra i zapatrabavaŭ raspracavać najbolš aptymalny varyjant suadnosin koštu i jakaści, budavać biez praźmiernaściaŭ, kab centr byŭ šmatfunkcyjanalny i aptymalny.
Kamientary