Pres-sakratar Kramla Dźmitryj Piaskoŭ zajaviŭ, što rašeńnie padoŭžyć rasijskija antysankcyi na hod, a nie na paŭhoda, jak hetaha patrabavaŭ pryncyp uzajemnaści, pradyktavana nieabchodnaściu raźvivać rasiejskuju ekanomiku.
«Našymi intaresami», — adkazaŭ Piaskoŭ na pytańnie, čym abumoŭlena padaŭžeńnie abmiežavalnych mier na hod va ŭmovach, kali Jeŭrasajuz svaje sankcyi ŭ dačynieńni da Rasii padoŭžyŭ tolki na paŭhoda.
Pa słovach Piaskova, poŭny pieralik praduktaŭ, zabaronienych da ŭvozu ŭ Rasiju, budzie apublikavany ŭžo ŭ bližejšy čas. Jakich-niebudź padrabiaznaściaŭ pra śpis jon nie pryvioŭ.
Dniom 24 červienia prezident Rasii Uładzimir Pucin paviedamiŭ, što padpisaŭ ukaz ab praciahu na hod embarha na ŭvoz praduktaŭ z krain, jakija ŭviali ŭ dačynieńni da Rasii sankcyi z-za anieksii Kryma i kanfliktu ŭ Danbasie.
Papiaredniaja viersija rasijskich sankcyj u adkaz była pryniata ŭ minułym žniŭni i pavinna była dziejničać da ciapierašniaha. Pad zabaronu patrapili mnohija pradukty z ZŠA, Jeŭrasajuza, Kanady, Aŭstralii, Narviehii i Japonii.
Ciapier čytajuć
Za «ekstremisckija» padpiski pry praviercy na miažy bolš nie sadžajuć na sutki8
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary