Jak rasiejskaja palenaja harełka zaliła Biełaruś
U Biełarusi mocna ŭpali prodažy ałkaholu. Pavodle Nacyjanalnaha statystyčnaha kamitetu, za pieršaje paŭhodździe adnosna taho ž pieryjadu minułaha hoda ŭ rublovym ekvivalencie biełarusy stali mienš kuplać harełki: ažno na 13,8%. Na 20% upali prodažy likiora-harełačnych vyrabaŭ i pładovych vinaŭ, na 6% – piva. I heta biez uliku inflacyi. Ci značyć heta, što biełarusy ŭrešcie stali mienš pić?
Vieranika Paśmiećjeva, z HUBEZ MUS, kaža: «Statystyka śviedčyć, što pić mienš nie stali… U Biełaruś chłynuŭ kantrafakt z Rasiejskaj Fiederacyi».
«Sieviernyj vietier», «Carskaja ochota», «Russkaja bierioza» – z Sajuznaj dziaržavy da nas płyvuć tony jak «palenaj», hetak i sapraŭdnaj rasiejskaj harełki. Biełaruski ałkahol prajhraje tannamu biezakcyznamu. I cełymi karavanami cieraz prazrystuju miažu z Rasiei jeduć śpirtavozy.
U Biełarusi z tannaha rasiejskaha śpirtu robiać barmatuchu, jakuju potym pradajuć u padpolnych ałkakramach, najčaściej u pryvatnym siektary.
Śpirtavozaŭ łoviać, vypisvajuć štrafy, ale abjomy palenaha ałkaholu tolki rastuć.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary