Hurt «Lapis Trubiackoj» viarnuŭsia ŭ Miensk z čarhovaj pieramohaj. U Maskvie na vychodnych adbyłasia cyrymonija ŭručeńnia rasiejskich rok‑uznaharod «Čartova diužina», dzie «Lapisy» pieramahli z klipam «Kapitał» u naminacyi «Videa hoda».
Hurt «Lapis Trubiackoj» viarnuŭsia ŭ Miensk z čarhovaj pieramohaj. U Maskvie na vychodnych adbyłasia cyrymonija ŭručeńnia rasiejskich rok‑uznaharod «Čartova diužina», dzie «Lapisy» pieramahli z klipam «Kapitał» u naminacyi «Videa hoda».
Spačatku Michałok i kampanija vyjšli na scenu maskoŭskaha SK «Alimpijski», kab adyhrać zabojny set z čatyroch piesień («Załataja antyłopa», «Kapitał», «Chare» i novaja — «Manifest»). Trochi paźniej — kab atrymać čarhovy pryz, jakim stała ciažkaja kniha sa škła i metału — symbal rasiejskaj rok‑n‑rolnoj premii «Čartova diužina», zasnavanaj «Našim Radio».
Siarhiej Michałok, zvykły ŭžo da takoj sytuacyi, zajaviŭ:
«Čym bolš uznaharod atrymlivaje «Kapitał», tym macniej ja siabie adčuvaju ŭdzielnikam hurta Eagles — taho, što 30 hod zarablaŭ babki adnym‑adzinym hitom. Nie, rabiaty, mnie heta nie cikava. Moža vy i ličycie «Kapitał» našym «Hatelem «Kalifornija», ale ŭ «Lapisaŭ» užo novy albom napałovu hatovy — čakajcie novych vanderfuł surprajzaŭ!».
Akramia hetaha lider hurta prakamentavaŭ vyniki niadaŭniaj cyrymonii «Rok‑Karanacyja 2007», dzie «Lapisy» pieramahli ŭ naminacyjach «Lepšaja pieśnia» («Kapitał») i «Lepšy videaklip» (znoŭ «Kapitał»).
«Ščylny hastrolny hrafik pieraškodziŭ nam samim vyjści za svaimi pryzami, ale my spadziajemsia, što jany nia zhubiacca ŭ sutareńniach najstarejšaj biełaruskaj rok‑premii, — skazaŭ Michałok. — Mahčyma, hadoŭ praź piać my zmožam pretendavać i na hałoŭny pryz — «Hurt hodu«, a pakul — budziem vučycca ŭ našych bolš paśpiachovych tavaryšaŭ, sapraŭdnych hierojaŭ minułaha sezonu, kamandy Neuro Dubel».
Kamientary