Youtube-błohieram u Biełarusi stanie praściej zarablać hrošy
Kampanija MediaCube Network niadaŭna zajaviła pra toje, što jany stali pieršymi i adzinymi partniorami Google ŭ Biełarusi. 26 kastryčnika jana sabrała błohieraŭ, pradstaŭnikoŭ ŚMI i brendaŭ, jakija karystajucca servisam YouTube.
Zadača MediaCube Network — abjadnać maksimalnuju kolkaść błohieraŭ na terytoryi Biełarusi, spraścić atrymańnie hrošaj ad manietyzacyi ich akaŭntaŭ i abaraniać aŭtarskija pravy partnioraŭ ich sietki.
Kampanija praviała analiz rynku rekłamy ŭ Biełarusi. Kala 70% rekłamy ŭ Biełarusi ciapier prychodzicca na internet. YouTube pa papularnaści ŭ Biełarusi znachodzicca na trecim miescy, a dola aŭdytoryi składaje 27% ad usich karystalnikaŭ bajneta.
MediaCube Network padličyła, što telebačańnie sioleta atrymaje našmat mienš rekłamy, tamu straty BT buduć składać kala 20 młn dalaraŭ.
Taksama na kanfierencyi prysutničała biznes-mieniedžar Google Natalla Karobka.
«Kampanija Google na praciahu niekalkich hod šukała partnioraŭ u Biełarusi, ciapier ža my budziem dziejničać. My budziem imknucca abjadnoŭvać karystalnikaŭ YouTube — jak błohieraŭ, tak i brendaŭ».
Na kanferencyi prahučała i pytańnie biełaruskaj movy na YouTube.
«My zajmajemsia hetym pytańniem. My nie chočam kab heta vyhladała prymityŭna, prosta pierakład knopačak. My šukajem patrebnyja słovy i sensy, hetym zajmajucca našyja śpiecyjalisty».
Sama kampanija MediaCube Network taksama zajaviła, što budzie maksimalna bolš rabić roznych mierapryjemstvaŭ dla «jutubieraŭ».
Kamientary