Zbornaja Ukrainy pieramahła ŭ Lvovie zbornuju Słavienii ź likam 2:0 (Jarmolenka, 23, Sielaźnioŭ, 54) u matčy płej-of da čempijanatu Jeŭropy pa futbole.
Matč u adkaz projdzie ŭ aŭtorak u Słavienii.
Siońnia svoj pieršy matč zhulajuć zbornyja Šviecyi i Danii (22:45).
Učora Bośnija i Irłandyja zhulali ŭničyju — 1:1.
U čaćvier Vienhryja pieramahła ŭ haściach Narviehiju ź likam 1:0. Matč u adkaz pamiž hetymi kamanda projdzie ŭžo ŭ niadzielu.
ČIE pa futbole pavinien prajści ŭ Francyi z 10 červienia pa 10 lipienia 2016 h. Upieršyniu ŭ im voźmuć udzieł 24 kamandy, z 1996 h. na Jeŭra hulali pa 16 zbornych.
20 kamandaŭ pucioŭki ŭžo zavajavali: Čechija, Isłandyja, Turcyja, Bielhija, Uels, Ispanija, Słavakija, Hiermanija, Polšča, Anhlija, Šviejcaryja, Paŭnočnaja Irłandyja, Rumynija, Aŭstryja, Rasija, Italija, Charvatyja, Partuhalija, Ałbanija, a taksama zbornaja Francyi jak haspadynia spabornictvaŭ.
Losavańnie pavinna prajści 12 śniežnia ŭ Paryžy, kali ničoha kardynalna nie źmienicca. Jak viadoma, u noč na subotu ŭ Paryžy zdarylisia terakty, i pytańnie biaśpieki vyjšła na pieršy płan.
Kamientary