Łukašenka sustreŭsia z kiraŭnikom «Łukojłu»

Biełaruś i "Łukojł" płanujuć pašyryć supracoŭnictva i realizavać novyja bujnyja sumiesnyja prajekty. Kankretnyja inviestycyjnyja płany abmierkavaŭ 28 sakavika Alaksandr Łukašenka z prezidentam AAT "Naftavaja kampanija "Łukojł" Vahitam Alekpieravym.

"Łukojł" źjaŭlajecca samaj bujnoj pryvatnaj naftahazavaj kampanijaj u śviecie pa pamiery dakazanych zapasaŭ vuhlevadarodaŭ. Jana adyhryvaje klučavuju rolu ŭ enierhietyčnym siektary Rasii, na jaje dolu prypadaje amal 19 pracentaŭ ahulnarasijskaj zdabyčy nafty i 18 pracentaŭ ahulnarasijskaj pierapracoŭki čornaha zołata. Asnoŭnym rehijonam naftazdabyčy kampanii źjaŭlajecca Zachodniaja Sibir. "Łukojł" taksama realizuje prajekty pa raźviedcy i zdabyčy nafty i hazu za miežami Rasii - u Kazachstanie, Azierbajdžanie, Uźbiekistanie, Jehipcie, Saudaŭskaj Aravii, Iranie, Kałumbii, Vieniesuele, Iraku, Kot-dJIvuary.

Alaksandr Łukašenka daŭ pazityŭnuju acenku ciapierašniamu ŭzajemadziejańniu Biełarusi z "Łukojłam". "My biez prablem raźvivajem uzajemaadnosiny, i našy damoŭlenaści vykonvajucca. Tym nie mienš, naša sustreča pavinna vyśvietlić niekatoryja pytańni pa isnujučych damoŭlenaściach", - adznačyŭ kiraŭnik dziaržavy ŭ razmovie z Vahitam Alekpieravym.

"My i dalej budziem raźvivać supracoŭnictva, aryjentujučysia na vašu kampaniju, tym bolš što "Łukojł" pačaŭ zajmacca i pryrodnym hazam. My hatovy papracavać u hetym napramku", - dadaŭ Alaksandr Łukašenka.

Vahit Alekpieraŭ asabliva padkreśliŭ, što ličyć Biełaruś pryvabnym rynkam, dzie stvorany inviestycyjnyja asnovy dla ŭkładańnia kapitału. Jon prainfarmavaŭ ab tym, što dziejučaje ŭ Biełarusi sumiesnaje pradpryjemstva pa vytvorčaści prysadak za try hady amal u 10 razoŭ pavialičyła abjom vytvorčaści i zmahło vyjści na rynki nie tolki Biełarusi i Rasii, ale i trecich krain.

"Za minuły hod kampanija ŭvajšła ŭ piaciorku samych bujnych padatkapłacielščykaŭ u respublicy. Pačatyja prajekty paśpiachova raźvivajucca, - padkreśliŭ Vahit Alekpieraŭ. - Spadziajomsia, što našy dalejšyja inicyjatyvy, adnosna jakich my chočam z vami paraicca, znojduć padtrymku i buduć realizavany".

Pavodle jaho słoŭ, padrychtavany ŭžo i razhladajucca bujnyja prajekty, jakija zapatrabujuć značnych kapitałaŭkładańniaŭ. "My ličym, što Biełaruś - heta adzin z najbujniejšych tranzitnych i pierśpiektyŭnych rynkaŭ, tamu kampanija pradaŭžaje dalejšaje raźvićcio svajoj dziejnaści na terytoryi respubliki", - zajaviŭ Vahit Alekpieraŭ.

U pryvatnaści, "Łukojł" prapanavaŭ daručyć dziejučamu sumiesnamu pradpryjemstvu ŭ Navapołacku, što stvorana na parytetnych pačatkach ź biełaruskimi partniorami i zajmajecca vytvorčaściu prysadak, vypusk i realizacyju zmazačnych materyjałaŭ.

A. Łukašenka adobryŭ stvareńnie adpaviednaj rabočaj hrupy dla padrychtoŭki technika-ekanamičnaha abhruntavańnia hetaha prajekta.

"Łukojł" taksama maje namier invieściravać u stvareńnie dadatkovych aŭtazapravačnych stancyj u respublicy.

• 0
• 0
• 0
• 0
• 0
• 0
• 0
• 0