Premjer‑ministr Polščy Donald Tusk padpisaŭ prajekt damovy ab małym pamiežnym ruchu ź Biełaruśsiu
Takim čynam, jość spadziavańnie, što damova ab małym pamiežnym ruchu pamiž Polščaj i Biełaruśsiu, na jakuju čakajuć žychary pamiežnych rehionaŭ, bližejšym časam budzie padpisana i pačnie dziejničać. Dziakujučy hetaj damovie žychary pamiežnaj zony zmohuć jeździć u susiednija krainy bieź vizaŭ.
Zaćvierdžany dakumient pieradadzieny znoŭ u MZS Polščy i zatym budzie pierasłany biełaruskamu boku, paviedamiŭ našamu radyjo presavy sakratar polskaha MZS Piotr Paškoŭski:
‑ Prajekt damovy ab małym pamiežnym ruchu ź Biełaruśsiu my ŭžo apracavali niekalki tydniaŭ tamu. Zhodna z zakonam tolki paśla zaćviardžeńnia premjer‑ministram prajekt moža być pieradadzieny biełaruskamu boku.
Jak paviedamiŭ raniej Racyi pres‑sakratar pasolstva Respubliki Biełaruś u Polščy Dźmitryj Vybarny, biełaruski bok hatovy razhledzieć polski prajekt užo nastupnym dniom:
‑ Stavim hetuju prablemu pierad polskim bokam z krasavika 2007 hodu. Dekłarujem hatoŭnaść da praciahvańnia pieramovaŭ ab padpisańni hetaha pahadnieńnia navat na nastupny dzień paśla atrymańnia aficyjnaha prajektu ad polskaha boku.
Niadaŭna takaja damova była padpisana pamiž Polščaj i Ukrainaj. Pavodle jaje, hramadzianie, što pražyvajuć u 50‑kiłamietrovaj pamiežnaj zonie, zmohuć zamiest vizaŭ atrymlivać admysłovyja dazvoły ŭ vyhladzie płastykavych kartak, jakija buduć vydavacca na 2 hady i kaštavać 20 jeŭra.
Što ŭ biełaruska‑polskaj anałahičnaj damovie — pakul nieviadoma. Mažliva, pamiežnaj zonaj vyznačać 30 kiłamietraŭ, a nie 50. Bo ŭ Jeŭrakamisii majucca zaŭvahi što da pahadnieńnia ab małym pamiežnym ruchu pamiž Polščaj i Ukrainaj. Reč u tym, što pavodle zakanadaŭstva ES, šyrynia takoj zony — maksimum 30 km.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Kamientary