Svajaki biełaruskich pustelnikaŭ rychtujuć dom da ich viartańnia

2 krasavika apošnija z 14 pustelnikaŭ pačali pakidać piačoru‑schovanku la vioski Nikolskaje

Pavialičyć

Navina z Rasiei dalacieła ŭžo da vioski Hlinianki

Pavialičyć

«Kala mianie ciapier maja dačka, za jakuju Alonka maładziejšaja na paŭtara miesiaca. Kali ja baču svajo dzicia i ŭzhadvaju, dzie znachodzicca toje, to, viadoma, vielmi chvalujusia. Viedajecie, pierad tym, jak jany źjechali, my źbiralisia ŭ hetym domie. Vielmi ich uhavorvali, płakali».

U Nikolskaje na pieramovy z pustelnikami byŭ zaprošany śviatar Pienzienskaj japarchii ajciec Hiermahien. Voś čym tłumačyć stanoŭčy vynik jahonaj misii kiraŭnik pres‑słužby ŭradu Pienzienskaj vobłaści Anton Šyrokaŭ:

«Sprava ŭ tym, što ajciec Hiermahien tradycyjna ličycca ŭ nas znaŭcam Apakalipsisu. Heta taja biblejskaja kniha, jakuju pustelniki vybrali sabie za hałoŭnuju i jakoj kirujucca ŭ svaich dziejańniach.

Taksama ajciec Hiermahien viedaje statut piačornych manachaŭ i moža arhumentavana pierakanać našych pustelnikaŭ, što abranaja imi forma schovanki — u pryncypie nie abaviazkovaja. Heta značyć, što žyćcio na pavierchni, pa‑za piačoraj, taksama dazvalaje prytrymlivacca tych malitvaŭ, postu i samaachviarnaści, jakija z pazycyj pravasłaŭnych viernikaŭ całkam dastatkovyja dla vyratavańnia dušy ŭ dzień Strašnaha sudu».

Na pačatku listapada 2007 hodu 35 čałaviek (u tym liku — čaćviora dziaciej) schavalisia ŭ zahadzia abstalavanaj piačory ŭ Biekaŭskim rajonie Pienzienskaj vobłaści. Pustelniki vyrašyli zastavacca tam da traŭnia 2008 hodu, kali, na ich dumku, pavinien nadyści kaniec śvietu. Ludzi pahražali spalić siabie, kali ich pasprabujuć pad prymusam dastać z‑pad ziamli.

Minuła šmat miesiacaŭ. Što ciapier kažuć rodnyja biełaruskich pustelnikaŭ? Mierkavańnie Haliny Vabiščevič:

«Kaniečnie, my, jak rodnyja, pavinny atulić ich kłopatam i luboŭju. Kab, kali jany viernucca, dalej udychnuli tut žyćcio. Bo kali dom biez haspadara, to jon razvalvajecca».

Zhodna z aficyjnaj infarmacyjaj ambasady Biełarusi ŭ Rasiei, u padziemnym schoviščy la rasiejskaj vioski Nikolskaje znachodzilisia 10 hramadzianaŭ Biełarusi, siarod ich dvoje dziaciej. Darosłyja ličać siabie prychilnikami sekty «Horni Jerusalim», jakuju ačolvaŭ žychar vioski Nikolskaje Piotar Kuźniacoŭ. Hety prapaviednik u 2006—2007 hadach niekalki razoŭ naviedvaŭ rehijony Biełarusi, adkul paźniej vyjechali i schavalisia ŭ piačory jahonyja prychilniki‑pustelniki.

Pavodle: Viačasłaŭ Kulik, Radyjo Svaboda

• 0
• 0
• 0
• 0
• 0
• 0
• 0
• 0