Kiraŭnik Rehijanalnaha pradstaŭnictva Fondu imia Frydrycha Eberta va Ŭkrainie i Biełarusi Štefan Chrobat zajaviŭ pra pačatak pracesu zakryćcia pradstaŭnictva ŭ Miensku.
Kiraŭnik akredytavanaj u Biełarusi filii pradstaŭnictva Fondu Frydrycha Eberta Siarhiej Anacka ŭ interviju Radyjo Svaboda paviedamiŭ:
«Heta pieradusim vyklikana tym, što źmianilisia ŭmovy pracy. U tym liku źmianiłasia zakanadaŭstva Biełarusi, tamu fond musić začyniacca. Jość taki dakument, jak «Pałažeńnie ab pradstaŭnictvach», u apošni čas jano źmianiłasia. To bok kali raniej treba było, kab MZS, Minjust ci sud prymaŭ rašeńnie ab zakryćci arhanizacyi, to siońnia atrymlivajecca, što admysłovaha rašeńnia prymać nia treba. I kali termin skončyŭsia, to pradstaŭnictva aŭtamatyčna ličycca začynienym. Tamu fond sam zmušany pačynać praces zakryćcia. Byli padrychtavanyja ŭsie dakumenty, jany byli padadzienyja, ale my nie atrymali adkazu».
Adkazu na svoj zapyt, nakiravany ŭ MZS, u fondzie čakali bolš za dva hady
Praca Rehijanalnaha ofisu fondu Eberta va Ŭkrainie, adkul kaardynavałasia praca mienskaha pradstaŭnictva, źmienaŭ nie zaznała.
Pradstaŭnictva niamieckaha fondu z hałoŭnym ofisam u Berlinie pracuje bolš jak u sotni krainaŭ śvietu. U kijeŭskim ofisie praces zakryćcia filii fondu Eberta nazyvajuć «prykrym dla Biełarusi faktam». «Źmiena ŭmovaŭ u Biełarusi i palityčnyja kroki aficyjnych uładaŭ pryviali da taho, što nieabchodnaść zakryćcia pradstaŭnictva stała niepaźbiežnaj», — havorycca ŭ raspaŭsiudžanym siońnia pres‑relizie fondu imia Frydrycha Eberta.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram11
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary