17-hadovaja biełaruska Viera Łapko vyjhrała junijorski Australian Open — 2016
17-hadovaja biełaruskaja tenisistka Viera Łapko vyjhrała junijorski adkryty čempijanat Aŭstralii, jaki prachodzić u Mielburnie. U vyrašalnym matčy jana pieramahła słavačku Terezu Michalikavu — 6:3, 6:4.
Pra heta śviedčyć toj fakt, što, niahledziačy na parazu ŭ pieršym secie, druhaja siejanaja na turniry Michalikava ŭ druhoj partyi prykłała niamała namahańniaŭ dla taho, kab usio ž pazmahacca za tytuł. Adnak Łapko, jakaja atrymała piaty numar pasievu, udałosia ŭziać nastupnyja piać hiejmaŭ i stać pieramožcaj prestyžnych spabornictvaŭ.
«Ja była vielmi ŭschvalavanaja, kali Tereza startavała ŭ druhim secie. Ale ciapier ja prosta ščaślivaja i nie viedaju, što jašče dadać. Ja prosta atrymlivaju asałodu ad pieršaj u karjery pieramohi na turniry sieryi «Vialikaha šlema»», — skazała paśla pajadynku Viera.
Viera Łapko stała druhoj tenisistkaj ź Biełarusi, jakoj udałosia zavajavać aŭstralijski Melburn u junijorskim uzroście. U 2005 hodzie tut pieršynstvavała Viktoryja Azaranka, eks-pieršaja rakietka śvietu.
***
U hety čas prachodzić finał žanočaha turniru, dzie hulajuć Sierena Uiljams i Anhielika Kierbier. Kierbier, nahadajem, vyjhrała ŭ čverćfinale ŭ Viktoryi Azaranki.
U niadzielu projdzie finał mužčynskaha turniru, dzie zhulajuć Novak Džokavič i Endzi Miurej.
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki1
Kamientary