Delehacyja Jeŭrasajuza na čale z namieśnikam hienieralnaha dyrektara Jeŭrakamisii pa pytańniach susiedstva i pieramoŭ ab pašyreńni Kaciarynaj Maciernavaj i vice-prezidentam Jeŭrapiejskaha inviestycyjnaha banka Łasła Baraniaj prybyła ŭ Minsk 23 lutaha, paviedamili ŭ pradstaŭnictvie ES u Biełarusi.
Na bryfinhu ŭ Ministerstvie zamiežnych spraŭ 18 lutaha pres-sakratar MZS Dźmitryj Mirončyk paviedamiŭ, što ŭ skład delehacyi taksama ŭvachodziać pradstaŭniki hienieralnaha dyrektarata Jeŭrakamisii pa ekanamičnych i finansavych pytańniach, pastajannaha pradstaŭnictva Jeŭrapiejskaha inviestycyjnaha banka ŭ Maskvie i pradstaŭnictva ES u Biełarusi. U prahramie vizitu — sustrečy pradstaŭnikoŭ ES z kiraŭnictvam Nacyjanalnaha banka, ministerstvaŭ ekanomiki, finansaŭ, zamiežnych spraŭ i Administracyi prezidenta Biełarusi.
«U ramkach vizitu płanujecca razhledzieć stanovišča i pierśpiektyvy raźvićcia ekanamičnaha i finansavaha supracoŭnictva pamiž Biełaruśsiu i Jeŭrasajuzam, a taksama mahčymaści pašyreńnia ŭzajemadziejańnia Biełarusi ź jeŭrapiejskimi i mižnarodnymi finansavymi instytutami», — adznačyŭ pres-sakratar MZS.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ69
Kamientary