10 paradaŭ minčankam z haziety «Minski listok» 1890 hoda
- Aścierahajsia pieršaj sprečki z mužam, ale kali jana nastała, zmahajsia da kanca: tvaja pieramoha jość spravaj vialikaj važnaści.
- Nie zabyvaj, što ty vyjšła zamuž za čałavieka, a nie za boha — chaj nie strašać ciabie jaho niedachopy.
- Nie nadakučaj jamu viečna pra hrošy, ale starajsia, kab vydadzienaja tabie na tydzień suma była dastatkovaj.
- Kali tvoj muž raptam akazaŭsia biessardečny, pamiataj, što jon niesumnienna maje straŭnik; učyniš razumna, damahajučysia jaho lubovi z dapamohaj smačna pryhatavanych straŭ.
- Dazvalaj čas ad času, ale nie časta, kab apošniaje słova zastavałasia za mužam: jaho heta suciešyć, a tabie nie paškodzić.
- Čytaj, akramia abjaŭ pra budučyja šluby i niekrałohaŭ, reštu haziety, i budź znajomaja z usim, što vakoł ciabie robicca — u hetym vypadku tvoj muž znojdzie zabaŭku i doma dy nie pojdzie ŭ šynok.
- Zaŭždy budź vietlivaja ź im, navat i ŭ sprečcy. Pamiataj, što kali jon byŭ tvaim žanichom, ty padłaščvałasia da jaho, nie hladzi ž na jaho zvysoku.
- Dazvalaj, kab i jon viedaŭ časam bolš za ciabie: heta zadavolić jaho siabielubstva, a tabie pryniasie tuju vyhadu, što ty budzieš ličycca biaschibnaj.
- Budź siabram muža, kali jon razumny; kali jon nie akažacca takim, starajsia ŭźniać jaho da ŭzroŭniu svajho siabra: padymi jaho, nie apuskajučysia da jaho sama.
- Pavažaj rodnych tvajho muža, asabliva jaho maci: jana lubiła jaho značna raniej za ciabie.
«Minski listok» za 29 maja 1890 h., №43, s. 4
-
Alimpijski pryzior Maksim Niedasiekaŭ ažaniŭsia druhi raz. Hetym razam z Łalitaj
-
Maładoje pakaleńnie pierastała hetaha saromiecca: 22% amierykancaŭ pakaleńnia Z ličać siabie ŁHBTK. Absalutnaja bolšaść ź ich — heta biseksuały
-
Biełarus zrabiŭ prapanovu kachanaj kala znakamitaha fantana Trevi ŭ Rymie — pad apładysmienty dziasiatkaŭ turystaŭ
Kamientary