Nacbank pakul nie budzie rehulavać strachavy rynak Biełarusi, ale atrymaje kantrol nad Bankam raźvićcia

Pryniaćcie rašeńnia ab pieradačy Nacyjanalnamu banku paŭnamoctvaŭ pa rehulavańni strachavoj dziejnaści i rynku kaštoŭnych papier adkładziena na hod. Adnak Nacbank atrymaje kantrol nad Bankam raźvićcia. Prajekt adpaviednaha ŭkaza razhledžany siońnia ŭ čas dakłada Alaksandru Łukašenku ab prajektach ukazaŭ pa raźvićci finansavaha rynku Biełarusi.

Rehulavać strachavuju dziejnaść i rynak kaštoŭnych papier u Biełarusi pa-raniejšamu budzie Ministerstva finansaŭ. Razam z tym Łukašenka pryniaŭ rašeńnie nadzialić Nacbank kantralujučymi paŭnamoctvami ŭ hetych śfierach. Pry nieabchodnaści budzie pryniaty adpaviedny narmatyŭny pravavy dakumient. U takim režymie płanujecca pracavać na praciahu hoda. Potym da pytańnia ab nadzialeńni Nacbanka paŭnamoctvami pa rehulavańni strachavańnia i rynku kaštoŭnych papier viarnucca.

Kiraŭnik krainy paličyŭ nieabchodnym zaprasić na dakład niepasrednych raspracoŭščykaŭ narmatyŭnych pravavych aktaŭ, kab pačuć ich arhumienty nakont efiektyŭnaści prapanavanych mier. Havoračy ab prajekcie ŭkaza, jaki raspaŭsiudžvaje paŭnamoctvy Nacbanka na rehulavańnie strachavańnia i rynku kaštoŭnych papier, Alaksandr Łukašenka adznačyŭ, što, pavodle isnujučych u jaho danych, hetyja funkcyi ciapier paśpiachova vykonvajucca Ministerstvam finansaŭ. U suviazi z hetym jon źviarnuŭsia da prysutnych z pytańniem ab metazhodnaści pierturbacyi ŭ sistemie, jakaja naładžana i narmalna funkcyjanuje.

Prajekt ukaza atrymaŭ šyrokaje abmierkavańnie. Krainy vykarystoŭvajuć roznyja sistemy rehulavańnia finansavaha rynku. U Biełarusi buduć kiravacca svaim vopytam, patrebnaściami i ciapierašniaj situacyjaj. Byli ŭzvažany ŭsie ryzyki ad pryniaćcia takoha rašeńnia. Manapolnaje rehulavańnie nie zaŭsiody moža iści na karyść. Banki taksama akazvajuć strachavyja pasłuhi. Na hety momant pamiž imi i strachavymi kampanijami jość kankurencyja, a, značyć, spažyŭcy majuć bolš mahčymaściej dla vybaru. Nacbank ža zajmajecca raźvićciom bankaŭskaha siektara. Nie vyklučana, što jamu i staŭ by addavać pryjarytet rehulatar u vypadku pašyreńnia svaich paŭnamoctvaŭ.

Što datyčycca Banka raźvićcia, to na hety momant jon u cełym vykonvaje funkcyi bankaŭ, za vyklučeńniem absłuhoŭvańnia nasielnictva. Tamu pieradača Nacbanku rehulujučych paŭnamoctvaŭ adnosna BRRB - łahičnaje i ŭzhodnienaje z usimi zacikaŭlenymi bakami rašeńnie.

• 0
• 0
• 0
• 0
• 0
• 0
• 0
• 0