U nastaŭnicy Kaŭnaskaj katalickaj škoły byli intymnyja stasunki z vaśmikłaśnikam.
Takoje rašeńnie 29 lutaha vynies Kaŭnaski ŭčastkovy sud — nastaŭnicu litoŭskaj movy 39-hadovuju Dajvu Ł. pryznali vinavataj u intymnych adnosinach z vučniem. Sud vyrašyŭ, što abvinavačvańni byli abhruntavanyja.
Nastaŭniku pryznačany štraf pamieram 1130 jeŭra.
«Drenna aceńvaju rašeńnie suda», — skazała Dajva Ł.
Nastaŭnica skazała, što sud abapiraŭsia tolki na pakazańni paciarpiełaha junaka. Dajva Ł. maje namier abskardzić vierdykt suda.
Abvinavačanaja svaju vinu admaŭlała, adnak sud, razhledzieŭšy spravu i dokazy, pakazańni udzielnikaŭ, vysnovy psichałahičnaj ekśpiertyzy i infarmacyju telefonnaj suviazi, pryznaŭ jaje vinavataj.
Sud pryznačyŭ pakarańnie z ulikam toj redakcyi artykuła, u adpaviednaści ź jakoj heta złačynstva rasceńvałasia jak mienš ciažkaje. U spravie byŭ pradjaŭleny hramadzianski pazoŭ na sumu 15 000 jeŭra, adnak sud jaho adchiliŭ, pakolki škoda nie była abhruntavana. Pastanova suda na praciahu 20 dzion moža być abskardžana ŭ Kaŭnaskim akruhovym sudzie. Praŭda, sud nie zabaraniŭ Dajvie Ł. pracavać nastaŭnikam.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam12
Kamientary