10 sakavika ŭ Čechii naradziłasia Jeva Hiercyhava, adna z samych viadomych supiermadelaŭ 90-ch. Słavianskaja pryhažunia zavajavała sercy miljonaŭ svajoj zrazumiełaj na ŭsich movach śvietu pryhažościu — błandzinka z błakitnymi vačyma i atletyčnym ciełaskładym adroźnivałasia nievierahodnaj žanockaściu, dziakujučy čamu stała hierainiaj kultavaj rekłamy viadomaj bializnavaj marki. Z hetaj nahody ELLE abraŭ samych seksualnych madelaŭ u historyi — žančyn, jakija zavajavali nie tolki podyum, ale i mužčynskija sercy.
Jeva Hiercyhava
U 90-ja Hiercyhava stała sapraŭdnaj vialikaj zorkaj i supiermadellu sa statusam seks-simvała. A ŭsio dziakujučy adnoj z samych seksualnych rekłamnych kampanij u historyi: na posterach bializnavaj marki Wonderbra Jeva paziravała z ašałamlalnym dekalte, słohan pry hetym abviaščaŭ: «Hladzi mnie ŭ vočy! Ja skazała — u vočy!». Kažuć, vonkavaja rekłama brenda stała pryčynaj mnostva avaryj — tak mahnietyčna jana dziejničała na mužčyn.
Sindzi Kroŭfard
Budučy samaj zapatrabavanaj i vysokaapłatnaj supiermadellu 90-ch, Sindzi Kroŭfard, miž tym, nie hrebavała zdymkami dla mužčynskich vydańniaŭ i naohuł lubiła raspranacca. Bałazie, jaje seksualnaja charyzma ličyłasia niepierasiahnienaj — takoj pryvabnaj supiermadeli navat siarod samych bliskučych i šykoŭnych pryhažuń 90-ch bolš nie było. Jana była nastolki papularnaja, što videakasiety z zaniatkami pa sistemie Sindzi źmiatali z pryłaŭkaŭ — miljony žančyn usiaho śvietu maryli pra takoje cieła.
Stefani Sejmur
Adna z samych viadomych i seksualnych supiermadelaŭ 90-ch, Stefani Sejmur ličyłasia skandalistkaj i amatarkaj viečarynak, a taksama — uładalnicaj šykoŭnaha cieła, jakoje nie saromiełasia demanstravać u žanry niu. Navat z uzrostam, staŭšy žonkaj miljardera i naradziŭšy 4 dziaciej, jana nie pastaleła — za plažnymi fatahrafijami Stefani haniajucca paparacy usiaho śvietu.
El Makfiersan
Mienavita jaje nazyvajuć uładalnicaj samaha pryhožaha cieła ŭ śviecie — niezdarma aficyjnaja mianuška El Makfiersan — «Cieła» (The Body). Praporcyi jaje cieła nastolki daskanałyja, što fatohrafy čaściej raspranali seksualnuju madel u kadry, čym apranali. Kultavymi stali jaje zdymki dla kalendara Pirelli i vydańniaŭ, jakija rekłamujuć kupalniki — El słaviłasia tym, što jaje fatahrafii nie mieli patreby ŭ retušy.
Kendzis Suejnpał
Na siońniašni dzień kali chto i moža adabrać u El Makfiersan zvańnie «Cieła», to heta raskošnaja błandzinka Kendzis Suejnpał — hałoŭnaje cieła brenda Victoria's Secret. U pryhažuni niama niaŭdałych rakursaŭ — jana nastolki daskanałaja, što lubyja kupalniki marki na joj siadziać idealna.
Iryna Šejk
Karjera ruskaj pryhažuni Iryny Šejk pačałasia z rekłamnaj kampanii Intimissimi — z tych časoŭ dziaŭčynu raz-poraz raspranajuć dla Sports Illustrated na radaść mužčynam usiaho śvietu. Na Zachadzie jaje nazyvajuć maładoj Džoli — tyja ž prynadnyja vusny, kacinyja vočy, aliŭkavaja skura, ale voś tolki cieła kudy bolš apietytnaje i žanockaje.
Adryjana Lima
Z usich «aniołaŭ» Victoria's Secret Adryjana Lima ličycca hałoŭnaj fatalnaj žančynaj brenda. Jaje kacinaja dzikaja pryhažość i apietytnyja formy nie pakidajuć šancaŭ kankurentkam, a adsutnaść navat namioku na uniseks robić Limu adnoj z samych seksualnych madelaŭ našaha času.
Kamientary