KDB paćvierdziŭ zatrymańnie Juryja Čyža, jon padazrajecca ŭ niavypłacie padatkaŭ u asabliva bujnym pamiery
KDB paćvierdziŭ zatrymańnie biełaruskaha biźniesmiena Juryja Čyža, paviedamiŭ BiełTA načalnik pres-słužby KDB Dźmitryj Pabiaržyn.
«Juryj Čyž zatrymany supracoŭnikami Kamiteta dziaržaŭnaj biaśpieki pa padazreńni ŭ ździajśnieńni złačynstva, praduhledžanaha č.2 art.243 Kryminalnaha kodeksa Biełarusi «Uchileńnie ad vypłaty sum padatkaŭ, zboraŭ u asabliva bujnym pamiery», - skazaŭ Dźmitryj Pabiaržyn.
Pavodle jaho słoŭ, razam ź biznesoŭcam zatrymany jašče šerah asobaŭ, jakija padazrajucca ŭ ździajśnieńni i saŭdziele va ŭkazanym złačynstvie. U ciapierašni čas usie znachodziacca ŭ śledčym izalatary KDB. Pravodziacca nieadkładnyja śledčyja dziejańni i nieabchodnyja apieratyŭna-vyšukovyja mierapryjemstvy.
***
Tut.by nahadvaje, što ŭ žniŭni 2015 hoda stała viadoma ab zatrymańni pieršaha namieśnika hiendyrektara «Trajpła» Uładzimira Japryncava. U śniežni staršynia KDB Valeryj Vakulčyk paćvierdziŭ zatrymańnie partniora Čyža. «Abvinavačvajecca ŭ machlarstvie», - skazaŭ Vakulčyk.
Złačynstva pa č.2 art. 243 Kryminalnaha kodeksa Biełarusi karajecca abmiežavańniem voli na termin da piaci hadoŭ abo pazbaŭleńniem voli na termin ad troch da siami hadoŭ z kanfiskacyjaj majomaści abo biez kanfiskacyi i z pazbaŭleńniem prava zajmać peŭnyja pasady abo zajmacca peŭnaj dziejnaściu abo biez pazbaŭleńnia.
Bujnym pamieram škody pryznajecca ŭchileńnie ad vypłaty sum padatkaŭ, zboraŭ na sumu, u tysiaču i bolš razoŭ pieravyšaje pamier bazavaj vieličyni, ustanoŭleny na dzień ździajśnieńnia złačynstva, asabliva bujnym pamieram — u dźvie tysiačy piaćsot i bolš razoŭ pieravyšaje pamier takoj bazavaj vieličyni.
Kamientary