U aeraporcie Rastova-na-Donie raźbiŭsia pasažyrski samalot «Boinh-737-800», jaki ruchaŭsia z Dubaja z 62 ludźmi na borcie. Łajnier sadziŭsia va ŭmovach drennaj bačnaści i zvaliŭsia ŭ 50-100 mietrach ad uźlotna-pasadačnaj pałasy. Pry sutyknieńni ź ziamloj «Boinh» razvaliŭsia na častki i zahareŭsia. Zahinuli ŭsie, chto byŭ na borcie.
Krušeńnie adbyłosia ŭ 3 hadziny 50 chvilin pa minskim časie. U Rastovie-na-Donie ŭ noč z 18 na 19 sakavika było abjaŭlena štarmavoje papiaredžańnie. U MNS paviedamili ab mocnym vietry z paryvami da 28 mietraŭ u siekundu.
Samalot, jak miarkujuć, zachodziŭ na pasadku dva razy. Pry druhoj sprobie, la samaj ziamli, rezka zadraŭsia nos łajniera i jon začapiŭsia chvastom za ziamlu.
Pa dadzienych sajta Flightradar, bort dźvie hadziny kružyŭ nad aeraportam, zrabiŭšy dziesiać dadatkovych kołaŭ.
Sutyknieńnie atrymałasia nastolki mocnym, što łajnier razvaliŭsia na častki i zahareŭsia. Abłomki raskidała na 1,5 kiłamietra. Na borcie znachodzilisia 55 pasažyraŭ, uklučajučy čatyroch dziaciej, i 7 členaŭ ekipaža. U sałonie praduhledžana da 189 miescaŭ.
Biełarusaŭ na borcie nie było.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary