Z 21 sakavika da 25 traŭnia 2016 hoda ŭ Vikipiedyi ładzicca konkurs artykułaŭ pra krainy Centralnaj i Uschodniaj Jeŭropy «VikiViasna». Ideja konkursu – pašyryć infarmacyju pra krainy rehijonu, pryciahnuć uvahu da asablivaściaŭ hetych krain, uzmacnić supracoŭnictva pamiž roznymi moŭnymi raździełami «svabodnaj encykłapiedyi».
Sutnaść prajekta zaklučajecca ŭ tym, što na praciahu troch miesiacaŭ udzielniki z roznych krain Centralnaj i Uschodniaj Jeŭropy stvarajuć artykuły pra svaich susiedziaŭ.
Nie zastaŭsia ŭ baku ad hetaj mižnarodnaj inicyjatyvy i biełaruski raździeł Vikipiedyi. Najbolš aktyŭny ŭdzielnik konkursu atrymaje pryz ad moładzievaha abjadnańnia Fałanster – inicyjatara prajekta «Vikifikacyja», skiravanaha na raźvićcio biełaruskaj Vikipiedyi. Achvotnyja pryniać udzieł mohuć źviartacca pa dapamohu da vałancioraŭ «Fałanstera», jakija hatovy sadziejničać pa pytańniach pracy ź Vikipiedyjaj i viki-raźmietkaj.
Praviły ŭdziełu ŭ konkursie «VikiViasna-2016»:
• Aficyjnyja daty praviadzieńnia konkursu: 21 sakavika – 31 traŭnia 2016 hoda;
• Dla ŭdziełu treba dadać siabie ŭ tablicu ŭdzielnikaŭ konkursu;
• Temy artykułaŭ možna abirać lubyja, datyčna toj ci inšaj krainy, ale kožny moŭny raździeł prapanoŭvaje samyja aktualnyja pra svaju krainu;
• Na praciahu červienia buduć padvodzicca vyniki, vyznačacca pieramožcy – admysłova ŭ kožnym moŭnym raździele;
• Mižnarodnyja kaardynatary konkursu vyrašajuć daty i miesca praviadzieńnia VikiLetnika dla samych aktyŭnych udzielnikaŭ u kancy lipienia.
Kali vy jašče sumniavajeciesia ŭ svaich siłach – śmieła źviartajciesia pa dapamohu da vikipiedystaŭ i čytajcie parady dla pačatkoŭcaŭ!
Aficyjnaja mižnarodnaja staronka konkursu «VikiViasna» – Wikimedia CEE Spring 2016.
Kamientary