Ziemfira matam zapatrabavała prybrać ściah Ukrainy na kancercie ŭ Litvie
Śpiavačka Ziemfira abraziła fanataŭ, jakija ŭzdymali ŭkrainski ściah padčas jaje kancertu ŭ Litvie 21 sakavika, pieradaje Korriespondient.net. Jana niekalki razoŭ patrabavała prybrać ściah, vykarystoŭvajučy nienarmatyŭnuju leksiku. Paśla hetaha, pa słovach vidavočcaŭ, mnohija stali pakidać vystup.
«Ja žychar Rasii. My znachodzimsia ŭ Litvie. Ja prašu vas, ja prašu vas, ***. Vy lubicie svaju krainu, ja lublu svaju krainu», — skazała Ziemfira.
Jana dadała, što abaviazkova pryjedzie z kancertami i na Ukrainu. «Ščyra spadziajusia i chaču ŭ heta vieryć, što pik napružanaści pamiž našymi krainami zastaŭsia ŭ minułym. Kali łaska, dačakajciesia mianie», — patłumačyła śpiavačka.
Ziemfira vystupaje ŭ Prybałtycy ŭ ramkach tura «Maleńki čałaviek», jaki zavieršycca kancertami ŭ Maskvie 1 i 3 krasavika. Śpiavačka zajaviła, što heta apošni hastrolny tur u jaje karjery. Paźniej jana patłumačyła, što jaje admova ad hastrolaŭ nie aznačaje poŭnaha spynieńnia kancertnaj dziejnaści. «Kali mnie zachočacca dać kancert, dazvolcie, ja zrablu heta», — napisała jana.
3 lipienia 2015 hoda Ziemfira vystupiła na Tbilisi Open Air. Padčas vykanańnia pieśni «Cikava, jak ty tam» jana ŭziała ŭ adnaho z hledačoŭ ściah Ukrainy, razmachvała im, a potym prymacavała da mikrafona.
Kamientary