Dziatłaŭskim rajonnym adździełam Śledčaha kamiteta raspačataja sprava pa fakcie zamachu na kradziež z praniknieńniem u žyllo (č. 1 art. 14 i č. 2 art. 205 KK).
Jak paviedamiŭ aficyjny pradstaŭnik upraŭleńnia SK pa Hrodzienskaj vobłaści Siarhiej Šaršanievič, złačynstva było ŭčynienaje ŭ vioscy Rahotna Dziatłaŭskaha rajona. Uviečary 26 sakavika 48-hadovy žychar susiedniaj vioski skarystaŭsia tym, što ksiondz miascovaha kaścioła viadzie vielikodnaje nabaženstva i ŭ jaho domie nikoha niama. Złamyśnik trapiŭ u dom śviatara, vykraŭ hrošy parafii — bolš za 33 młn rubloŭ, 400 dalaraŭ i majomaść haspadara. Uciačy nie zdoleŭ — ksiondz, jaki viarnuŭsia sa słužby, jaho zatrymaŭ.
Vyśviatlajučy abstaviny złačynstva, śledčyja ŭstanavili, što padazravany maje dačynieńnie jašče da adnoj sproby kradziažu. U lutym hetaha hoda ŭ vioscy Dvarec Dziatłaŭskaha rajona jon prabraŭsia ŭ dom piensijanierki, płanujučy vykraści juvielirnyja vyraby i hrošy, adnak byŭ zaśpiety haspadyniaj i ŭciok ni z čym.
Śledčyja inicyjavali abrańnie ŭ dačynieńni da niepracoujučaha, raniej nieadnarazova sudzimaha, u tym liku za zabojstva i kradziež u asabliva bujnym pamiery, padazravanaha mieru strymańnia ŭ vyhladzie ŭziaćcia pad vartu. Praviarajecca jaho dačynieńnie da inšych złačynstvaŭ, u tym liku učynienych za miežami Dziatłaŭskaha rajona.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram11
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary