AT «Homielškło» i kampanija Schollglas GmbH (Hiermanija) padpisali dahavor na ekspart škła. Cyrymonija prajšła z udziełam namieśnika premjer-ministra Biełarusi Anatola Kalinina, podpisy pad dakumientam pastavili hienieralny dyrektar AAT «Homielškło» Ivan Pratura i ŭładalnik Schollglas Hiunter Vajdeman.
Dakumient praduhledžvaje ekspart 8,5 młn kv.m škła vytvorčaści AAT «Homielškło» na rynki Polščy i Hiermanii.
Pavodle słoŭ Anatola Kalinina, padpisany dakumient — pačatak vialikaha supracoŭnictva biełaruskaha pradpryjemstva ź niamieckaj kampanijaj. «Dumaju, my znojdziem u bližejšy čas jašče šerah sumiesnych uzajemavyhadnych prapanoŭ dla taho, kab jašče bolš intehravać našu vytvorčaść z hetaj kampanijaj. My hatovy abmiarkoŭvać takuju temu, kali buduć prapanovy», — skazaŭ jon.
U svaju čarhu Hiunter Vajdeman vykazaŭ upeŭnienaść u tym, što ŭ kampanii vialiki patencyjał i mahčymaści dla ŭmacavańnia partniorstva. «Jość šmat reziervaŭ. My ćviorda pierakanany, što ciapierašni ŭzrovień abarotu možna jašče bolš pavialičyć. Kali ŭsio pojdzie ŭ adpaviednaści z płanam, to my vyjdziem za 17 młn jeŭra ŭ hetym hodzie. A kali pačnuć vyrablacca novyja vidy škła, to vyjdziem i za 20 młn jeŭra, ale heta nie miaža», — skazaŭ jon.
Ciapier čytajuć
U Francyi ad śpioki zahinuŭ dalnabojščyk z Dokšycaŭ8
Kamientary