Prahrama dziejnaści ŭrada da 2020 hoda «nie ŭtrymlivaje vałavych pakazčykaŭ», zajaviŭ premjer-ministr Biełarusi Andrej Kabiakoŭ, pradstaŭlajučy dakumient 5 krasavika ŭ parłamiencie.
Kabiakoŭ adznačyŭ, što prahrama ŭrada źjaŭlajecca sastaŭnoj častkaj adzinaha pakieta ekanamičnych dakumientaŭ, u liku jakich — niadaŭni ŭkaz prezidenta № 78 ab mierach pa pavyšeńni efiektyŭnaści raźvićcia sacyjalna-ekanamičnaha kompleksu, sumiesny kompleks mier urada i Nacbanka pa pracy ekanomiki i zabieśpiačeńni makraekanamičnaj zbałansavanaści ŭ 2016 hodzie, prajekt prahramy sacyjalna-ekanamičnaha raźvićcia Biełarusi da 2020 hoda, a taksama pakiet z 20 dziaržaŭnych prahram, 14 ź jakich užo hatovyja.
Usie hetyja dakumienty, pavodle słoŭ Kabiakova, uzajemaŭviazany. «Takim čynam, realizujecca prahramna-metavy ijerarchičny pryncyp prahnazavańnia i płanavańnia», — skazaŭ premjer.
Jon adznačyŭ «šerah važnych asablivaściaŭ» prajekta prahramy. «Prahrama raspracavana va ŭmovach vysokaj niavyznačanaści źniešnich hieapalityčnych, syravinnych i inšych ekanamičnych faktaraŭ. Siońnia nichto ŭ śviecie nie moža dakładna skazać, jak buduć raźvivacca padziei, da jakoha ŭzroŭniu dojdzie eskałacyja kanfliktaŭ, jak heta paŭpłyvaje na syravinnyja i finansavyja rynki», — zajaviŭ Kabiakoŭ. Tamu, dadaŭ jon, u dakumiencie zamacavany pryncyp hnutkaści biudžetnaj, hrašova-kredytnaj i finansavaj palityki.
Kirunki dziejnaści ŭrada ŭ prahramie sfarmulavany maksimalna kankretna, zajaviŭ Kabiakoŭ. «Prahrama nie ŭtrymlivaje sfarmulavanych vałavych pakazčykaŭ. Hetaja prahrama — nie płan ručnoha kiravańnia ekanomikaj, tut farmulujucca jakasnyja zadačy, nacelenyja na kančatkovy vynik», — padkreśliŭ premjer-ministr.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk25
Kamientary