Praz tonu łomu kalarovaha mietału na darohach Viciebščyny adbyłasia pahonia sa stralaninaj
Kiroŭca Dodge sprabavaŭ uciačy ad supracoŭnikaŭ DAI ŭ Tałačynskim rajonie, zatrymali parušalnika paśla stralby pa kołach užo ŭ susiednim — Aršanskim — rajonie. Incydent adbyŭsia 6 krasavika kala 6 hadzin ranicy, paviedamlaje UUS abłvykankama.
Supracoŭniki DAI zaŭvažyli padazrony aŭtamabil na prasiołku kala vioski Lipniki Tałačynskaha rajona. Pa źniešnich prykmietach aŭto była pierahružanaja. Pravaachoŭniki sprabavali spynić jaho, ale kiroŭca tolki pavialičyŭ chutkaść i niekalki razoŭ mianiaŭ napramak.
Kiroŭca ihnaravaŭ nieadnarazovyja patrabavańni pravaachoŭnikaŭ spynicca. Z tabielnaha pistaleta daišnik zrabiŭ papieradžalny streł u pavietra i niekalki prycelnych — pa kołach. Ale kiroŭca nie spyniŭsia navat paśla taho, jak strełam paškodzili levaje piaredniaje koła jaho aŭtamabila. U rešcie rešt Dodge zatrymali ŭ rajonie vioski Zubrevičy Aršanskaha rajona.
Pry ahladzie aŭtamabila vyśvietliłasia, što ŭ im znachodziłasia kala 1 tony łomu kalarovaha mietału. Viadziecca pravierka.
Kamientary