U Biełarusi ŭ ramkach mižnarodnaha dziciačaha prajekta «Futboł dla družby» startavaŭ konkurs «Juny žurnalist». Jaho pieramožca atrymaje mahčymaść naviedać finał futbolnaj Lihi čempijonaŭ u Miłanie, paviedamili arhanizatary konkursu.
U Biełarusi junaha žurnalista vybirajuć užo ŭ treci raz: letaś pieramožcam staŭ Jahor Maroz, školnik z Barysava, jaki lepš za ŭsich astatnich spraviŭsia z zadačaj padrychtoŭki paślamatčavaha repartažu na anhlijskaj movie.
Na konkurs, jaki projdzie ŭ 2 etapy, užo adkryty pryjom prac. Udzieł mohuć prymać školniki va ŭzroście ad 12 da 14 hadoŭ. Na pačatkovaj stadyi jany pavinny napisać sačynieńnie na temu «Čamu ja lublu futboł?» na anhlijskaj movie i razam sa svaimi kantaktnymi dadzienymi vysłać jaho da 20 krasavika 2016 hoda na elektronnuju poštu [email protected]. Z atrymanych prac kampietentnaje žury abiare 10 finalistaŭ konkursu pa takich kryterach jak piśmiennaść, aryhinalnaść i aŭtarskaja padača. Imiony finalistaŭ stanuć viadomyja nie paźniej za 22 krasavika.
Pieramožca konkursu vyznačycca na matčy pamiž barysaŭskim BATE i minskim «Dynama» 24 krasavika. Finalistam nieabchodna budzie naviedać kłasika na «Barysaŭ-Arenie» i napisać paślamatčavy repartaž na anhlijskaj movie.
Uznaharodaj u konkursie stanie mahčymaść supravadžać junackuju kamandu BATE ŭ Miłan dla aśviatleńnia mižnarodnaha forumu dziciačych futbolnych kamand «Futboł dla družby» 2016 u Miłanie (26-29 maja) i naviedvańnie finalnaj hulni Lihi čempijonaŭ 2015/2016.
Prajekt «Futboł dla družby» realizuje rasijski «Hazprom», jaki źjaŭlajecca adnym z hłabalnych sponsaraŭ Lihi čempijonaŭ.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary