Tančyć jak prodki. Etnachareohraf Siarhiej Vyskvarka navučyć maładziečancaŭ pobytavym tancam
17 krasavika ŭ Rajonnym centry kultury horada Maładziečna adbudziecca majstar-kłas pa biełaruskich pobytavych tancach ź Siarhiejem Vyskvarkam. Biaspłatna navučycca tančyć jak prodki zmoža luby achvotny.
Pra heta Kraj.baj paviedamiła Volha Trubač.
– My zaprašajem da ŭdziełu ŭ majstar-kłasie ŭsich achvočych: nie maje značeńnia kolki vam hod i ci majecie vy chareahrafičnuju adukacyju – hałoŭnaje žadańnie! Možacie pryjści adzin, a paru znojdziecie sabie ŭžo na miescy. Pobytavy taniec – heta stychijnaja prajava pačućciaŭ, nastroju, emocyj i vykonvajecca jon u pieršuju čarhu dla siabie, i tolki potym – dla hledača.
Jak zaznačyła surazmoŭca, majstar-kłas pravodzić Siarhiej Vyskvarka – źbiralnik, daśledčyk i papularyzatar biełaruskaj narodnaj tancavalnaj kultury, etnachareohraf, etnapiedahoh. Jon źjaŭlajecca mastackim kiraŭnikom uzornaha falkłornaha tancavalnaha kalektyva «Vierabiejki». Pad jaho kiraŭnictvam z 2011 hoda ŭ miežach rehijanalnaha festu narodnaj kultury «Piatroŭski fest» prachodzić tancavalnaja škoła «Piatrovica».
– Heta mierapryjemstva budzie karysnaje tym, chto cikavicca svajoj spadčynaj, historyjaj rodnaha kraju. Kraciej, – dadała jana, – kali chočaćcie navučycca tančyć jak prodki, prychodźcie na majstar-kłas.
Siarhiej Vyskvarka – źbiralnik i papularyzatar biełaruskaj narodnaj tancavalnaj kultury
Pa słovach Volhi Trubač, majstar-kłas budzie doŭžycca kala troch hadzin.
Pačatak u 14.00. Uvachod volny.
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary