Amierykanski sud pryniaŭ da razhladu pazoŭ da znakamitaha brytanskaha rok-hurtu Led Zeppelin, jaki padadzieny da jaho hitarystam hrupy Spirit.
Pazoŭnik śćviardžaje, što hitaryst Led Zeppelin Džymi Pejdž u 1971 h. vykarystaŭ u chodzie pieršych dźviuch chvilin svajho lehiendarnaha chitu Stairway to Heaven miełodyju ź pieśni hurtu Spirit, napisanaj za čatyry hady da hetaha.
Pazoŭ pradjaŭleny da hitarysta Led Zeppelin Džymi Pejdža i vakalista Robierta Płanta.
Sudovaje pasiadžeńnie projdzie ŭ Łos-Andželesie 10 maja. Sprava budzie razhladacca sudom prysiažnych.
Amierykanski sudździa Hery Kłauśnier ŭ piatnicu pastanaviŭ, što advakaty davieranych asob hitarysta Spirit Rendzi Vułfa pradjavili dastatkova dokazaŭ taho, što Stairway to Heaven kapijuje muzyku ź pieśni Taurus.
Vułf napisaŭ Taurus ŭ 1966 ci 1967 h., heta značyć za niekalki hadoŭ da relizu Stairway to Heaven (1971).
Advakaty ličać, što muzyki Led Zeppelin mahli čuć Taurus na adnym ź fiestyvalaŭ, u jakich udzielničali abiedźvie hrupy.
Stairway to Heaven źjaŭlajecca adnoj z samych viadomych piesień Led Zeppelin. Časopis Rolling Stone uklučaŭ pieśniu ŭ śpisy 500 samych najlepšych kampazicyj usich časoŭ i 100 samych najlepšych hitarnych kampazicyj.
Led Zeppelin — Stairway to Heaven
Spirit — Taurus
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju4
Kamientary