«Biełavija» admianiaje svaje rejsy na hety paŭvostraŭ.
Jak paviedamiŭ BiełaPAN namieśnik hienieralnaha dyrektara «Biełavija» Ihar Čarhiniec, zimoj było pryniata rašeńnie nie adkryvać u hetym siezonie rejsy ŭ Simfieropal.
«Samaloty možna zapaŭniać na 100%, ale pytańnie ŭ tym, pa jakim košcie rejsa. Heta značyć, samaloty mohuć zapaŭniacca, ale rejs pry hetym budzie stratnym. U svaju čarhu, kali pavysić ceny, to zahruzki nie budzie, bo heta budzie suparaŭnalna z adpačynkam u Jehipcie i Turcyi», — patłumačyŭ pradstaŭnik «Biełavija».
Sprava ŭ tym, dadaŭ jon, što ceny na adpačynak u Krymie ŭžo takija, što razam z koštam bileta na samalot, ahulny pamier raschodaŭ pieravyšaje košt adpačynku za miažoj.
Pry hetym I.Čarhiniec padkreśliŭ, što «Biełavija» nie skračaje, a, naadvarot, pavialičvaje kolkaść rejsaŭ i častatu palotaŭ. Da letniaha siezona kampanija płanuje pavialičyć park pavietranych sudnaŭ zachodniaj vytvorčaści typu «Boinh». Try novyja samaloty — dva «Boinhi‑737/500» (pastaŭka ŭ krasaviku‑mai) i adzin «Boinh‑737/300» (pastaŭka ŭ červieni) — pa stupieni ŭvodu ich u ekspłuatacyju zamieniać Tu‑134 i Tu‑154 na mnohich rehularnych i čarternych linijach. Viaducca pieramovy ab pastaŭkach dvuch samalotaŭ typu CRJ ‑100/200 na pačatku leta, što dazvolić vykonvać usie rehularnyja rejsy na zachodniaj technicy.
Jak raniej paviedamlałasia, u letni pieryjad «Biełavija» pavialičyć častatu palotaŭ pa letnim raskładzie na najbolš zapatrabavanych zamiežnych maršrutach. Avijakampanija budzie vykonvać paloty ŭ 27 haradoŭ 20 krain Jeŭropy, Azii i Blizkaha Uschodu, u tym liku ŭ šeść krain SND (Rasiju, Armieniju, Hruziju, Ukrainu, Azierbajdžan, Kazachstan).
Pavialičana častata palotaŭ na nabolš zapatrabavanych zamiežnych maršrutach — u Łondan, Paryž, Rym, Frankfurt, Šenan, Tel‑Aviŭ, Prahu i Maskvu.
Tradycyjna z červienia da pačatku vieraśnia «Biełavija» vykonvaje rejsy, što złučajuć harady Hiermanii i Kazachstana. Taksama ŭ letni pieryjad buduć vykonvacca rejsy ŭ Mančester (z 2 červienia pa 1 vieraśnia) i Sočy (z 14 maja pa 24 vieraśnia).
Uličvajučy vialiki popyt na avijapieravozki ŭ stalicu Rasii, «Biełavija» 20 červienia ŭvodzić dadatkovy rejs u aeraport Damadziedava. Takim čynam, častata palotaŭ na maršrucie Minsk — Maskva — Minsk składzie piać rejsaŭ u dzień, ź ich try rejsy — u aeraport Šaramiecieva‑1 i dva rejsy — u aeraport Damadziedava.
Ciapier čytajuć
Upieršyniu za čas nazirańniaŭ tempieratura pavietra ŭ Biełarusi pierakročyła +40°C3
Kamientary