Adpaviedny zvarot byŭ uručany časovamu pavieranamu ŭ spravach Biełarusi ŭ ZŠA.
Adpaviedny zvarot byŭ uručany časovamu pavieranamu ŭ spravach Biełarusi ŭ ZŠA 25 krasavika. Adkazu na jaho pakul niama, paviedamili BiełaPAN u pasolstvie ZŠA ŭ Minsku.
Zvarot amierykanskaha źniešniepalityčnaha viedamstva, patłumačyli ŭ dypmisii, vyklikany stanam zdaroŭja E.Zielcera: «Za čas pakul biełaruskija ŭłady ŭtrymlivajuć Zielcera ŭ niavoli, stan jaho zdaroŭja značna pahoršyŭsia».
Jak paviedamiła BiełaPAN konsuł Złučanych Štataŭ Kerałajn Sevedž, 25 krasavika jana sustrakałasia z E.Zielceram. Konsuł zajaviła, što stan jaho zdaroŭja i ŭmovy ŭtrymańnia vyklikajuć «surjoznyja apasieńni»: jon vielmi schudnieŭ, asłabieŭ, jamu ciažka chadzić, razmaŭlać. Tak, pavodle słoŭ K.Sevedž, Zielcer paviedamiŭ joj, što «na druhi i treci dzień zatrymańnia jaho źbivali».
Pa vynikach naviedvańnia E.Zielcera amierykanski konsuł nakiravała spravazdaču ŭ Vašynhton, paśla čaho ŭ Dziarždepartamient byŭ zaprošany biełaruski časovy pavierany.
Načalnik adździeła pres‑słužby MZS Biełarusi Maryja Vańšyna paćvierdziła BiełaPAN sam fakt sustrečy ŭ Dziarždepartamiencie, adnak admoviłasia kankretyzavać jaje źmiest.
Pasolstva ZŠA taksama źviartaje ŭvahu, što «spatrebiŭsia amal miesiac rehularnych zapytaŭ dla taho, kab atrymać mahčymaść znoŭ naviedać zatrymanaha amierykanca, čyje prablemy sa zdaroŭjem dakumientalna paćvierdžany». Pieršaja sustreča ź im adbyłasia 27 sakavika.
28 krasavika brat aryštavanaha Mark Zielcer nakiravaŭ pa faksie zvaroty da prezidenta Biełarusi Alaksandra Łukašenki i hienieralnaha prakurora Ryhora Vasileviča, u jakich zaklikaŭ «zachavać žyćcio Emanuiłu Zielceru». Jon taksama ŭkazaŭ, što, pavodle jaho infarmacyi, «Barys Bierazoŭski nie choča dapuścić mahčymaje vyzvaleńnie Zielcera i rychtuje zabojstva Emanuiła abo jaho «naturalnuju» śmierć, abvinavaciŭšy ŭ hetym Biełaruś».
Emanuił Zielcer i jaho sakratar Uładlena Funk byli zatrymany paśla prylotu ŭ Minsk 12 sakavika. Im inkryminujecca vykarystańnie zaviedama padrobnych dakumientaŭ hrupaj ludziej. Pavodle słoŭ advakata zatrymanych Dźmitryja Harački, śledstva praciahvajecca, a sprava maje status dziaržaŭnaj tajny.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary