29-hadovamu žycharu Navapołacka Tarasu Avataravu, sudovyja słuchańni pa spravie jakoha prachodziać u sudzie Frunzienskaha rajona Minska, 25 krasavika pieravystaŭlena abvinavačańnie.
Sutnaść abvinavačańnia i pakarańnie, jakoje jamu pahražaje, nie źmianilisia. Avataravu pa-raniejšamu staviacca ŭ vinu niezakonnyja dziejańni ŭ dačynieńni da vybuchovaha prystasavańnia na asnovie askołačnaj hranaty, jakuju jon nabyŭ va Ukrainie, pieravoziŭ pa terytoryi Ukrainy i Biełarusi, schavaŭ u svaich asabistych rečach pry pierasiačeńni biełaruskaj miažy i zachoŭvaŭ pry sabie da momantu zatrymańnia 26 listapada 2015 hoda na čyhunačnym vakzale Minska (č. 2 art. 295 KK). Avataraŭ taksama abvinavačvajecca ŭ niezakonnym pieramiaščeńni (kantrabandzie) vybuchovaha prystasavańnia praz mytnuju miažu Biełarusi (č. 2 art. 228 KK u redakcyi zakona ad 2012 hoda).
U toj ža čas, jak patłumačyŭ žurnalistam dziaržabvinavaŭca Alaksandr Mirončyk, sa składu abvinavačvańnia ŭ častcy kantrabandy vyklučana adna z kvalifikujučych prykmiet, a mienavita toje, što Avataraŭ pry pierasiačeńni mytnaj miažy nie zadekłaravaŭ svoj «hruz». Dekłaravańnie vybuchovych prystasavańniaŭ nie praduhledžana — jany naohuł zabaronieny da pieramiaščeńnia praź miažu.
Raniej havorka išła pra mahčymuju pierakvalifikacyju Avataravu abvinavačańnia z č. 2 art. 228 KK na art. 333-1 KK. Ciapier ža havorka idzie ab niezakonnym pieramiaščeńni praź miažu Jeŭrazijskaha ekanamičnaha sajuza abo dziaržmiažu Biełarusi «ahniastrelnaj zbroi, bojeprypasaŭ, vybuchovych rečyvaŭ». Maksimalnaje pakarańnie za heta złačynstva — siem hadoŭ pazbaŭleńnia voli, stolki ž, kolki pa č. 2 art. 228 KK.
Adnak złačynstva było ŭčyniena Avataravym da ŭvachodžańnia novaha artykuła KK u dziejańnie. Dla taho kab padsudny zmoh aznajomicca z novym abvinavačańniem, u sudzie abvieščany pierapynak da 3 maja.
Taras Avataraŭ (da 2011 hoda — Taras Pośpich) byŭ zatrymany ŭ Minsku ranicaj 26 listapada. Pry vobysku ŭ jaho byli znojdzieny maska z prarezami dla vačej, dva pašparty, samarobnaje vybuchovaje prystasavańnie na asnovie askołačnaj hranaty, sihnalny pistalet, padobny na PM, elektronnyja nośbity, čorna-čyrvony ściah, a taksama daviedka ab udziele ŭ antyterarystyčnaj apieracyi na terytoryi Ukrainy ad imia «Pravaha siektara». U momant zatrymańnia na padazronym była armiejskaja broniekamizelka.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?20
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary