U centry Minska prajšła akcyja «Praśpiekt nacyjanalnaha ściaha» FOTY
«Małady front» na Kastryčnickaj płoščy pravioŭ akcyju, prymierkavanuju da hadaviny refierendumu 1995 h., u vyniku jakoha była źmienienaja dziaržaŭnaja simvolika i likvidavany status biełaruskaj movy jak adzinaj dziaržaŭnaj. Akcyja sabrała niekalki dziasiatkaŭ čałaviek.
13:15
Pratakoły na ŭdzielnikaŭ akcyi składali 2-ch vidaŭ: pa artykule 23.4 (nieparadkavańnie milicyi) i artykule 23.34 (niesankcyjanavanaje masavaje mierapryjemstva) Kodeksa ab administracyjnaj adkaznaści.
Padčas akcyi byŭ zatrymany žurnalist Radyjo Svaboda Aleh Hruździłovič. Jaho zatrymali na praśpiekcie Niezaležnaści la vychadu sa stancyi mietro «Kastryčnickaja». Žurnalista abvinavacili ŭ tym, što jon vyjšaŭ na prajezžuju častku, advieźli da hatela «Jeŭropa», dzie vypisali štraf 210 tys. rubloŭ za parušeńnie praviłaŭ darožnaha ruchu.
12:52
Akcyja daciahnułasia da ŭniviersama «Centralny».
Fota z fejsbuka Nastaśsi Šamrej. Druhaja sprava — Nina Bahinskaja
12:40
Milicejskija načalniki nazirajuć za akcyjaj zdala.
12:32
Na Kastryčnickuju płošču pryjšoŭ Mikałaj Statkievič — jon padziakavaŭ usim prysutnym za ŭdzieł akcyi.
Zaraz na płoščy niekalki dziasiatkaŭ čałaviek.
12:30
Aktyvisty: «DAI admysłova pierakryli ruch na praśpiekcie, puścili palivački. Heta kab nas ŭbačyła mienš ludziej».
12:24
Na płoščy sabrałasia niekalki dziasiatkaŭ čałaviek, jakija trymajuć u rukach bieł-čyrvona-biełyja ściahi. Siarod udzielnikaŭ — Źmicier Daškievič, Mikałaj Aŭtuchovič, Maksim Viniarski, Volha Mikałajčyk i inšyja. Aktyvisty trymajuć bieł-čyrvona-biełyja ściahi, a taksama stužki. Amal adrazu źjavilisia supracoŭniki milicyi, jakija pačali składać pratakoł na adnaho z udzielnikaŭ akcyi.
12:23
U prysutnych — kala dvuch dziasiatkaŭ ściahoŭ.
Ciapier čytajuć
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club3
Kamientary