Novaabrany prezident Filipinaŭ Radryha Duterte jašče raz paćvierdziŭ, što budzie vieści žorstkuju baraćbu sa złačynnaściu i narkamanijaj, zajaviŭšy, što jon zahadaje siłam biaśpieki rasstrelvać na miescy padazravanych u ździajśnieńni złačynstvaŭ, kali jany akažuć supraciŭ pry zatrymańni.
Jon taksama znoŭ paćvierdziŭ, što pastarajecca damahčysia ad parłamienta źniaćcia maratoryja na śmiarotnaje pakarańnie. U zajavie Duterte havorycca i ab mahčymaści poŭnaj zabarony na ałkahol, kureńnie ŭnutry pamiaškańniaŭ i ab uviadzieńni pa ŭsioj krainie kamiendanckaj hadziny dla dziaciej.
Novy lidar Filipinaŭ paabiacaŭ pieratvaryć prezidencki pałac u Manile ŭ balnicu.
Jon taksama źbirajecca zahadać usim uradavym čynoŭnikam kuplać tolki kvitki ekanom-kłasa na kamiercyjnyja rejsy.
Kamientary