Niamieckija tankisty pieramahli na adrodžanym tankavym čempijanacie NATA
Žaŭniery Bundeśviera atrymali hałoŭny pryz spabornictvaŭ Strong Europe Tank Challenge (SETC), jakija prajšli na minułym tydni.

Anałahičny mižnarodny čempijanat NATA pravodziŭsia ŭ časy Chałodnaj vajny, adnak paśla jaje zakančeńnia syšoŭ u niabyt z-za nieaktualnaści siłavoha supraćstajańnia ŭ Jeŭropie. Ciapier, jak my bačym, situacyja źmianiłasia.
U SETC 2016 hoda ŭdzielničali tanki Danii, Hiermanii, Polščy, SŠA, Słavienii i Italii.
Dackija tankisty zavajavali srebra, polskija — bronzu. Cikava, što ŭsie pieramožcy vykarystoŭvali roznyja madyfikacyi niamieckich tankaŭ Leopard 2.

Mierapryjemstva častkova maje za metu padvyšeńnie ŭzroŭniu bajavoj padrychtoŭki i ducha spabornictva, a častkova źjaŭlajecca srodkam strymlivańnia, bo dapamahaje adradzić «staryja navyki, zabytyja z časoŭ Chałodnaj vajny», piša aficyjnaja hazieta Pientahona stripes.com.
Akramia trapnaj stralby ź miesca i padčas ruchu, tankisty zmahalisia za pieršynstva ŭ akazańni pieršaj dapamohi, ruchu ŭ składanych umovach, chutkim ramoncie i zamienie husienic, maskiroŭcy, stralbie z asabistaj zbroi, paviedamlaje amierykanski vajenny partał army.mil.
Kamientary