Chunta Mjanmy abvieściła, što 99 % vybarcaŭ uziali ŭdzieł u referendumie ab źmienach u Kanstytucyi, i 92 % prahałasavali za. Pry hetym čverć krainy lažyć u ruinach paśla pavodki, a trupy dziasiatkaŭ tysiač ludziej zastajucca niaznojdzienymi.
Chunta Mjanmy abvieściła, što 99 % vybarcaŭ uziali ŭdzieł u referendumie ab źmienach u Kanstytucyi, i 92 % prahałasavali za. Pry hetym čverć krainy lažyć u ruinach paśla pavodki, a trupy dziasiatkaŭ tysiač ludziej zastajucca niaznojdzienymi.
U ramanie Natałki Babinaj «Rybin horad» Centravybarkam abvieściŭ ab pierakanaŭčaj i elehantnaj pieramozie dyktatara, niahledziačy na toje, što ŭ dzień vybaraŭ nad krainaj viravaŭ śmiarotny ŭrahan. Amal dasłoŭna toje samaje adbyłosia ŭ Mjanmie (Birmie).
Kab pravieści addaŭna pryznačany «referendum», jaki maje ŭviekaviečyć kiravańnie vajskovaj chunty, ułady krainy abmiežavali navat mižnarodnuju dapamohu achviaram cyklonu «Narhiz», admovilisia puskać u krainu rataŭnikoŭ i daktaroŭ i spynili dopusk zamiežnikaŭ u rajony katastrofy. Kab nie daj Boh nie pratačyłasia lišniaja infarmacyja z krainy i ŭ krainu.
Niahledziačy na toje, što Indyja papiaredziła hienerałaŭ pra nabližeńnie stychii za dva dni, zalevy zastali mjanmarcaŭ źnianacku. U vyniku zahinuli kala 120 tysiačaŭ čałaviek, 2,5 miljony zastalisia biaz dachu nad hałavoj i srodkaŭ dla isnavańnia. Za dva tydni ich stanovišča mała palepšała: jak pieradajuć z Mjanmy dyplamatyčnyja krynicy, u zonie stychijnaha biedztva pačynajucca epidemii, ludziam brakuje pitnoj vady, ježy, namiotaŭ. Tym časam na krainu nasoŭvajecca novy ŭrahan.
I voś učora radyjo Mjanmy abvieściła, što 99 pracentaŭ vybarcaŭ pryjšli na ŭčastki, a 92 pracenty ź ich prahałasavali za novuju kanstytucyju.
Ciažka pavieryć u takuju masavaść hałasavańnia ŭ krainie, čverć jakoj lažyć u ruinach paśla stychii, a jašče čverć składajecca ź ciažkadastupnych rajonaŭ. Ciažka pavieryć i va ŭsienarodnuju padtrymku hienerałaŭ u krainie, jakaja na apošnich svabodnych vybaraŭ addała absalutnuju bolšaść hałasoŭ demakratyčnaj apazycyi i dzie ŭsiaho paŭhodu tamu ŭłady rasstralali šmattysiačnyja manifestacyi pratestu. Sapraŭdy, chłuśnia dyktataraŭ nia maje miežaŭ.
AAN i mižnarodnyja arhanizacyi praciahvajuć biespaśpiachova dabivacca ad uładaŭ Mjanmy dazvołu arhanizavać maštabnuju humanitarnuju dapamohu paciarpiełym rehijonam. Ułady Mjanmy ličać, što praźmiernyja kantakty sa śvietam razburalna ŭździejničajuć na hramadzianaŭ krainy.
-
Litva paličyła fihuranta rasśledavańnia «Našaj Nivy» Skindzierava pahrozaj nacyjanalnaj biaśpiecy i źbirajecca pazbavić statusu ŭciekača
-
U pryhraničnych Lelčycach vučylisia razhortvać ruchomyja punkty charčavańnia i rečavaha zabieśpiačeńnia
-
U Viciebsku na piešachodnym pierachodzie pastavili niezvyčajnyja słupki. Jak jany pracujuć?
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary