Składanka tvoraŭ adnych z samych jaskravych pradstaŭnikoŭ ajčynnaj symfaničnaj i kamernaj muzyki.
Składanka tvoraŭ adnych z samych jaskravych pradstaŭnikoŭ ajčynnaj symfaničnaj i kamernaj muzyki.
Aficyjna vydadzieny dysk takoj muzyki — redkaść nadzvyčajnaja. U hetaj płyni sytuacyja takaja, jak ź biełaruskim niezaležnym rokam kanca 1980‑ch: zapisy niedzie jość, ale ŭ muzyčnych kramach ich nichto nia bačyŭ.
U składanku ŭvajšli tvory tych, chto stajaŭ la vytokaŭ ci ŭvachodzić u Biełaruskaje tavarystva sučasnaj muzyki. Hučać tut i hitara z saksafonam (tvory Źmitra Łybina i Jaŭhiena Papłaŭskaha), i arfa z arhanam (Mikoła Stoma, Hanna Karotkina).
Tvory — roznych časoŭ: słavutyja «Poviazi dla flejtaŭ» Stomy, datavanyja 1989 hodam, a siuita dla arhanu «Francysk» Karotkinaj — z 2004 hodu.
Usłuchacca dy pačuć uvieś kalaryt taho ci inšaha instrumentu dy pasprabavać złavić kampazytarskuju fantaziju — voś dziela čaho varta słuchać hety dysk.
Jon pasuje pad svojeasablivy nastroj — kali chočacca pabyć na samocie, abstrahavacca ad vonkavaha śvietu, ale nie pryhniatacca cišynioju. Nielha nie adznačyć cudoŭnaha azdableńnia dysku aŭtarstva Andreja Bursava.
Kamientary