Prezident RF Uładzimir Pucin zajaviŭ, što ŭ vypadku ŭstupleńnia Finlandyi ŭ NATA nie varta raźličvać, što rasijskija vojski, raniej adviedzienyja ad miažy ź Finlandyjaj, zastanucca na raniejšych pazicyjach.
Pra heta jon skazaŭ na pres-kanfierencyi z prezidentam Finlandyi Sauli Niiniście, pieradaje «Interfaks-Ukraina».
«Ujavicie sabie, što Finlandyja ustupić u NATA, heta značyć, što finskija vojski ŭžo pierastanuć być niezaležnymi, pierastanuć być suvierennymi ŭ poŭnym sensie hetaha słova, jany stanuć častkaj vajennaj infrastruktury NATA, jakaja ŭ raptoŭna apyniecca na miežach RF», — adznačyŭ Pucin.
«Padumajcie, my tak i budziem dalej dziejničać? Na paŭtary tysiačy kiłamietraŭ adviali našy vojski, tak jany tam i zastanucca?» — praciahnuŭ jon.
Razam z tym Pucin zajaviŭ, što Rasija «ŭ lubym vypadku z pavahaj pastavicca da luboha vybaru finskaha naroda». Jon adznačyŭ, što mienavita finy pavinny zabiaśpiečvać svaju niezaležnaść i biaśpieku.
Adnačasova Pucin padkreśliŭ, što Rasija cenić niejtralny status Finlandyi i stavicca da jaho z pavahaj.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2222
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?22
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary