Čatyry čałavieki paciarpieli ŭ vyniku napadu vaŭka ŭ Rečyckim rajonie, paviedamiŭ u piatnicu rehijanalny telekanał «Televid».
Voŭk prabraŭsia ŭ viosku Pieršamajsk (Rečycki rajon) pozna ŭviečary 7 lipienia. Zabiehšy ŭ adzin z dvaroŭ, jon pabiŭsia z sabakam. Kali na vulicu vyjšaŭ haspadar, drapiežnik ŭčapiŭsia jamu ŭ ruku, a potym — u hrudzi.
«Na šum vyskokvaje haspadynia chaty — voŭk kidajecca na jaje, zatym źvier zaskokvaje ŭ dom i napadaje na ich syna. Kryki paciarpiełych i šum u susiedskim padvorku prymušajuć vyjści na vulicu jašče adnaho žychara vioski. Vynik toj ža — toj stanovicca čarhovym abjektam napadu z boku drapiežnika», — paviedamlaje telekanał.
Try čałavieki z adnoj siamji atrymali šmatlikija irvanyja rany kaniečnaściaŭ. U ich susieda prakusanaja ščaka. Paciarpiełych dastavili ŭ balnicu.
Vaŭka zabili adnaviaskoŭcy: drapiežnik, pakusaŭ ŭ vioscy jašče niekalki sabak i kania, nalacieŭ na kampaniju mužčyn, jakija viartalisia dadomu z pracy. U adnaho ź ich u rukach była siakiera, jakoj jon i zabiŭ źviera.
Ranicaj u viosku prybyli pradstaŭniki vieterynarnaj słužby, jakija praviali ŭsie nieabchodnyja raboty: hałava vaŭka adpraŭlenaja dla daśledavańnia na šalenstva, pakusanych sabak usypili, astatnim svojskim žyviołam zrabili pryščepki.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary