«Ja im kazaŭ, što kazino i «foreks» — dla łochaŭ». Japryncaŭ raspavioŭ, jak sprabavaŭ hasić daŭhi

«Kaźbiek pradaŭ svaju mašynu «Aŭdzi» za 100 tys. dalaraŭ, ja pradaŭ svoj «Bentli» (100 tys.) — adrazu jak daviedaŭsia pra daŭhi, staŭ raspradavać», - skazaŭ Japryncaŭ. Padziei datavanyja červieniem 2015 hoda.

— Za košt čaho jašče pahašali daŭhi? — pacikaviŭsia sudździa.

— Ja addaŭ usiaho 2,5 młn dalaraŭ maich asabistych hrošaj. 600 tysiač u adnaho zaniaŭ… Kali b nie 11 žniŭnia (momant zatrymańnia, usio b užo było vyrašana (tam rychtavaŭsia prodaž kampanii)

Pa słovach Japryncava, za 2 hady atrymaŭ dyvidendy ad «Trajpła» — 12 młn dalaraŭ i 6 młn jeŭra.

Akramia mašyn, biznesmen rychtavaŭsia pradać kvatery, niedabudavanuju haścinicu eks-«Kiempinski» i ofis samoj kampanii.

Japryncaŭ skazaŭ, što telefanavaŭ ukraincam z «Džaśpien Kepitał» i abiacaŭ pahasić daŭhi. «Ja, tata Kaźbieka, rychtujecca ździełka z prodažam «Kiempinski», u vieraśni addam doŭh. My damovilisia, u ŚMI pra heta paviedamili», — pieradaŭ Japryncaŭ svaju razmovu z ukrainskim biźniesmienam.

U chodzie dopytu vyśvietliłasia, što ŭ Japryncava šmat daŭžnikoŭ, jakija ŭ spravie nie fihurujuć. Jon sam pra ich isnavańnie daviedaŭsia ŭ červieni minułaha hoda.

«Ja ŭsich «terminovych» daŭžnikoŭ abtelefanavaŭ. Cimuru abiacaŭ u vieraśni zakryć doŭh, a pakul płacić pa 20 tysiač. Jon skazaŭ, što ŭ jaho ŭ zakładzie kvatera Kaźbieka i jon inšymi sposabami budzie atrymlivać doŭh — praz sud. Anton — 1,2 młn dalaraŭ doŭh — pahadziŭsia na pracenty. Hrošy nikomu nie patrebnyja byli — usim patrebnyja pracenty. Ja kruciŭsia — pa 90 tys. dalaraŭ jamu płaciŭ pracenty», — kaža Japryncaŭ.

«Tadžudzinu — Juryj Čyž jaho z Kaźbiekam paznajomiŭ — 685 tysiač dalaraŭ byli pavinny plus 200 tysiač niaŭstojku jon chacieŭ. 655 tys. Ja jamu adrazu addaŭ, astatniaje damovilisia paźniej», — dadaŭ jon. Jašče adnamu daŭžniku addaŭ pamiaškańnie. Astatnija daŭhi byli na vierasień-kastryčnik, nie terminovyja.

U lipieni 2015 hoda Japryncaŭ sustreŭsia ź Juryjem Čyžom i raspavioŭ jamu pra svaje prablemy.

«My hulali pa parku ŭ Drazdach. Ja jamu ŭsio raskazaŭ, dolu svaju kupić nie prapanoŭvaŭ. Maŭlaŭ, Kaźbiek na «Foreksie» «trapiŭ», ale častka hrošaj pavinna viarnucca. Skazaŭ, u mianie prablema — doŭh Mišy Mamijašvili i Batvinku. Jon ich abiacaŭ uziać na siabie. Mišy płanavali addać na praciahu hoda. Častku addamo, kali pradadzim «Kiempinski», a potym ofisny budynak. Čyž prapanoŭvaŭ Kaźbieku aformić davieranaść na Jarmaka i źjechać z horada. Ja skazaŭ, što jon pavinien zastacca i adkazvać za svaje dziejańni», — raspavioŭ Japryncaŭ.

Pavodle jaho słoŭ, Čyž paraiŭ nie chvalavacca, «hrošy ŭ nas jość».

«Ja im kazaŭ, što kazino i «foreks» — dla łochaŭ. Tamu i ŭ šoku byŭ, kali daviedaŭsia, što častku niaŭdała raźmiaściŭ na «Foreksie». Kali b jon (Kaźbiek) u śniežni 2014 hoda skazaŭ praŭdu pra «foreks», to ŭsie b pytańni ja daŭno vyrašyŭ», - pryznaŭsia Uładzimir Japryncaŭ.

Potym jon razam z Čyžom sustrakaŭsia ŭ Maskvie z Saviakom, Mamijašvili, Aksienćjevym i jaho žonkaj Nadziejaj, jakaja bolš za ŭsio isteryła.

«Chacieła hrošaj (jaje 15 młn, jak ja zrazumieŭ), jašče 15 młn Miša ŭziaŭ u Marka z Amieryki. Choć Miša joj skazaŭ, što pa joj pytańnie zakryta da žniŭnia. Mabyć, jany pracenty zapłacili. Ja vysłuchaŭ ŭ adras svajho syna spraviadlivyja rečy … Tady Miša abo Jura prapanavali pierapisać dolu ŭ «Trajple». Va ŭsich byli daŭhi i ŭsio addavali, usio hodna vychodzili ź situacyi. Kali ja padpisaŭ papiery (prodaž doli), Čyž byccam mianie nie viedaŭ. Ja lažaŭ u balnicy, Jura Saviak byŭ pobač, prasiŭ nie chvalavacca. Telefanavaŭ Miša, skazaŭ, što parvaŭ dakumienty, što nie treba takich krokaŭ. Jany ŭvieś čas telefanavali, žadali zdaroŭja», — śćviardžaje Japryncaŭ.

«Kali b ja Chrysta ŭbačyŭ, to b mienš ździviŭsia, čym ubačyŭ zajavu Čyža [ŭ KDB]», - dadaŭ jon.

• 0
• 0
• 0
• 0
• 0
• 0
• 0
• 0