Na «miesca» Hajdukieviča-małodšaha ŭ parłamient abiaruć ambasadara Varanieckaha?
Zastajecca litaralna niekalki dzion dla vyłučeńnia kandydataŭ u deputaty, i ŭ parłamienckuju honku dadalisia niekalki novych cikavych piersanažaŭ.
Na sajcie CVK źjaviłasia infarmacyja pra vysunutaha «pracoŭnym kalektyvam» (u takich situacyjach nie ŭdakładniajecca, što za kalektyŭ) Valera Varanieckaha.
53-hadovy Valer Varaniecki — ambasadar u Aŭstryi i Charvatyi. Jon ža ličycca pradstaŭnikom Biełarusi pry ABSIE i pry mižnarodnych arhanizacyjach u Vienie.
Jak paviedamlała «NN», u najbližejšy čas Varanieckaha maje źmianić Alena Kupčyna.
«Valeryj Varaniecki — heta čałaviek Łatypava, a kadry Łatypava siońnia nie samyja papularnyja ŭ našym MZS», — kamientavaŭ mižnarodny ahladalnik Raman Jakaŭleŭski.
A Varaniecki maje patrapić u pałatu pradstaŭnikoŭ. Admietna, što jon idzie pa Śvisłackaj akruzie №94, dzie vidavočnym uzhodnienym uładami kandydatam vyhladaŭ Aleh Hajdukievič, namieśnik kiraŭnika Libieralna-demakratyčnaj partyi. Kandydatura jahonaha baćki Siarhieja Hajdukieviča nieadnarazova ŭdzielničała ŭ prezidenckich vybarach.
Inšyja patencyjnyja kankurenty Varanieckaha — vykładčyk BDU Andrej Ivanoŭ, piensijaniera ad AHP Nadzieja Ijulskaja, zahadčyca dziciačaha sadka ad prałukašenkaŭskich kamunistaŭ, try mieniedžary drobnych pramysłovych pradpryjemstvaŭ. A taksama apazicyjanier Uładzimir Navasiad, jaki niekali ŭžo byŭ u parłamiencie.
* * *
Nahadajem, što razam z tym zahajdałasia kresła patencyjnaha deputata i pad inšym udzielnikam prezidenckich vybaraŭ-2015 Mikałajem Ułachovičam.
Jak paviedamlałasia, na jahonaj Sieńnickaj akruzie №76 dadaŭsia namieśnik hiendyrektara «Ahrakambinata Ždanovičy» Viktar Kaŭchuta. Jon ža — syn ministra pryrody Andreja Kaŭchuty.
Kamientary