U čaćvier, 28 lipienia, na poŭdni Francyi palicyja zatrymała troch mužčyn, jakija kryčali z łodki «Ałachu Akbar». Pra heta paviedamlaje rfi.fr sa spasyłkaj na Reuters.
Mužčyny na łodcy byli zatrymanyja niepadalok ad Marsela, u Kasisie. Pa paviedamleńni prakuratury, jany vykrykvali «Ałachu Akbar».
Taksama siońnia stała viadoma, što prezident Fransua Aland zajaviŭ, što ŭ Francyi budzie stvorana Nacyjanalnaja hvardyja, jakaja pavinna budzie akazvać dapamohu siłam pravaparadku ŭ baraćbie z terarystyčnaj pahrozaj.
Nachvardyja budzie stvorana na asnovie «isnujučaha apieracyjnaha reziervu», — udakładniaje ŭ svaim kamiunikie Jelisiejski pałac. Čakajecca, što hvardziejcy pačnuć da vykanańnia abaviazkaŭ u pačatku vosieni.
Ałand adznačyŭ, što meta reziervistaŭ «nie padmianiać saboj siły pravaparadku, ale dapamahać im, uzmacniać ich».
Paśla teraktu ŭ Nicy 14 lipienia Aland abviaściŭ pra mabilizacyju reziervu armii, palicyi i žandarmieryi dla harantavańnia biaśpieki ŭ krainie. Prezident taksama zaklikaŭ francuzaŭ zapisvacca ŭ reziervisty.
Čakajecca, što da kanca lipienia apieratyŭny rezierv palicyi i žandarmieryi składzie kala 15 tysiač čałaviek.
Kamientary