Za nievialiki košyk sabranych jahadaŭ polskija fermery buduć płacić krychu bolš dalara.
2,5 złotych (trochu bolš za dołar) možna zarabić za zbor nievialikaha košyka truskavak na płantacyi. Dla palakaŭ heta zamałyja hrošy. Tamu fiermiery šukajuć pracaŭnikoŭ za uschodniaj miažoj.
Siezon zboru truskavak pačynajecca z červienia i polskija fiermiery ŭžo ciapier zaniatyja pošukam biełarusaŭ. Dla hetaha im dastatkova tolki napisać zajavu pra žadańnie ŭładkavać na pracu zamiežnika ŭ miascovaje upraŭleńnie pracy. Pracaŭnikoŭ šukajuć praz pryvatnych pasrednikaŭ, časam navat praz abjavy ŭ biełaruskich vydańniach.
‑ Na minułym tydni da nas źviarnuŭsia fiermier z Polščy, jaki paviedamiŭ, što zaprasiŭ 100 čałaviek. My štodnia vydajem kala 30 pracoŭnych viz dla pracy ŭ sielskaj haspadarcy. Spadziajemsia, što hetaja ličba budzie raści, — zajaviŭ namieśnik konsuła ŭ Hrodnie Bartałamiej Jakubik haziecie «Wyborcza».
U Paviatovaje upraŭleńnie pracy ŭ Sakułcy ŭ krasaviku padali zajaŭki na pracaŭładkavańnie zamiežnikaŭ 73 čałavieki, u traŭni — 69.
‑ Kožny dzień padajecca jašče niekalki. Na hetym tydni čakajem rekordu, — kaža supracoŭnica Upraŭleńnia pracy ŭ Sakułcy Małhažata Ejsmant.
U Hienieralnym konsulstvie ŭ Hrodnie adznačajuć, što zastalisia ličanyja dni, kab vyrašyć i zaprasić biełaruskich pracoŭnych. Paźniej konsulstvy mohuć nie dać rady z vydańniem pracoŭnych viz.
Kamientary