Kiraŭnik Śledčaha kamiteta prapanavaŭ try zachady, kab praduchilić vypadzieńnie dziaciej z voknaŭ
Apošnim časam u Biełarusi ŭźnikła prablema z vypadzieńniem dziaciej z voknaŭ.
Kiraŭnik Śledčaha kamiteta Ivan Naskievič dasłaŭ premjer-ministru Andreju Kabiakovu prapanovy pa praduchileńni śmierci i traŭmavańnia dziaciej. Kopija dakumienta akazałasia ŭ rasparadžeńni «Našaj Nivy».
U liście, adpraŭlenym 15 lipienia, adznačajecca, što kali ŭ 2015 hodzie byŭ zafiksavany tolki adzin śmiarotny vypadak, to za lipień 2016 hoda — užo čatyry.
Naskievič piša, što situacyju moža vypravić vykarystańnie śpiecyjalnych dziciačych zamkoŭ biaśpieki. Heta pryłada, jakaja nie dazvalaje dzieciam całkam adčynić vakno.
Adnak «na siońnia pytańnie kamplektacyi vyrašajecca na dobraachvotnaj asnovie hramadzianami, jakija imknucca pieradusim pamienšyć košt kanstrukcyi. Masavy popyt na hetuju funkcyju adsutničaje», — adznačaje Naskievič.
Pavodle infarmacyi Śledčaha kamiteta, košt abaronnaj furnitury składaje 11 rubloŭ (110 tysiač da denaminacyi).
U suviazi z hetym Naskievič vysoŭvaje try prapanovy:
Pa-pieršaje, padumać ab źmienach u techničnyja narmatyvy, kab abstaloŭvać «dziciačymi zamkami biaśpieki» šmatkvaternyja damy i — abaviazkova — dziciačyja ŭstanovy.
Pa-druhoje, abaviazać vytvorcaŭ i ŭstanoŭščykaŭ voknaŭ raskazvać spažyŭcam pra isnavańnie dadatkovych sposabaŭ abarony.
Pa-treciaje, raźmiaścić prafiłaktyčnyja ŭlotki ŭ dziciačych ustanovach, biblijatekach, padraździaleńniach ŽKH.
-
Žurnalista Alesia Lubienčuka paŭtorna asudzili na čatyry hady, ale častkova adbyłosia zaličeńnie raniejšaha «złačynstva»
-
Biełarusbank uvodzić kamisiju za pryjom najaŭnych u rasijskich rublach
-
Što za Biełaruskaja vyzvolnaja armija, čyj znak zaŭvažyli ŭ zvarocie Zialenskaha z ultymatumam da Łukašenki?
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty5
Kamientary