Musulmanskaja supolnaść francuzskaha kantona Ećjen-dziu-Ruŭr admoviłasia chavać 19-hadovaha Adela Karmiša, jaki zabiŭ katalickaha śviatara padčas nabaženstva, paviedamlaje gazeta.ru sa spasyłkaj na Sky News.
«My nie chočam zaplamić isłam hetym čałaviekam. My nie budziem udzielničać u padrychtoŭcy cieła da pachavańnia», — zajaviŭ Machamied Karabach, imam adnoj ź miascovych miačeciaŭ.
Razam z tym jon adznačyŭ, što, kali meryja i siamja Karmiša paprosiać jaho pachavać, musulmanskaja supolnaść zmušana budzie pryznačyć čałavieka dla vykanańnia hetaj voli.
Nahadajem, što havorka idzie pra adnaho z dvuch terarystaŭ, jakija 26 lipienia padčas imšy ŭ francuzskim kaściole ŭziali ŭ zakładniki niekalki čałaviek. Śviatara zabili, pieraryzaŭšy horła.
Adkaznaść za hety napad uziała na siabie h.zv. «Isłamskaja dziaržava».
Kamientary