Žychar Baranavickaha rajona abhareŭ na pažary, pryčynaj jakoha mahła stać sproba suicydu, paviedamili ŭ pres-słužbie Bresckaha abłasnoha ŭpraŭleńnia MNS.
Niaščasny vypadak adbyŭsia ranicaj 1 žniŭnia ŭ vioscy Łaŭrynovičy. Pra toje, što z-pad strachi adnapaviarchovaha cahlanaha doma idzie dym, paviedamili vidavočcy. Prybyŭšy na miesca, ratavalniki vyjavili ŭ žyłym pakoi na kanapie 72-hadovaha haspadara doma. Z termičnymi apiokami 85% pavierchni cieła mužčynu dastavili ŭ reanimacyjnaje adździaleńnie Baranavickaj haradskoj balnicy, dzie jon pamior u noč na 2 žniŭnia.
Ahniom paškodžany žyły pakoj, mebla i pamiaškańnie kuchni.
Pryčyna pažaru vyśviatlajecca. Adna ź viersij — sproba suicydu, bo pobač z paciarpiełym znachodziłasia abharełaja kanistra ź bienzinam.
Mužčyna žyŭ sumiesna z žonkaj, jakaja na momant pažaru vyjšła ŭ kramu za pakupkami. Sa słoŭ susiedziaŭ siamja charaktaryzujecca stanoŭča.
Kamientary