Pamiežny kamitet prahnazuje čerhi na polskaj miažy ŭ pačatku vieraśnia
Čerhi mohuć źjavicca ŭ suviazi z admienaj z 1 vieraśnia abmiežavańnia, zhodna ź jakim vyjazdžać za miežy JEAES (raniej — mytnaha sajuza) na adnym i tym ža aŭtamabili ź Biełarusi možna było adzin raz u 8 dzion.
U DPK adznačyli, što bolš za ŭsio imaviernyja ciažkaści na biełaruska-polskaj miažy. Akramia admieny abmiežavańnia «adzin raz u 8 dzion», na heta mohuć paŭpłyvać ramont mosta praz Buh u punkcie propusku «Damačava».
Dla ŭparadkavańnia transpartnaha patoku i ekanomii času čakańnia ŭ Dziaržpamiežkamitecie rekamiendujuć pry płanavańni pajezdki skarystacca servisam «Čerhi na miažy».
Akramia taho, ź vieraśnia ŭ punkcie propusku «Brest» uvodzicca sistema elektronnaj čarhi. A ŭ 2017 hodzie sistema elektronnych čerhaŭ budzie ŭviedziena ŭ punktach propusku «Damačava», «Bieniakoni», «Bierastavica», «Bruzhi», «Katłoŭka» i «Pryvałka».
Kamientary