U aŭtorak rašeńniem Pychjaskaj prakuratury ŭziaty pad vartu 53-hadovy Alaksandr Karniłaŭ — siabra KSRSE (Kaardynacyjny saviet rasijskich suajčyńnikaŭ Estonii) i vydaviec prarasijski nastrojenych partałaŭ baltija.eu i baltnews.ee.
Karniłaŭ padazrajecca ŭ padrobcy dakumientaŭ i pradastaŭleńni Padatkova-mytnamu departamientu niepraŭdzivych dadzienych, adkazała Pychjaskaja prakuratura na zapyt Eesti Päevaleht. Viadoma, što akramia Karniłava zatrymanyja jašče troje, va ŭsich fihurantaŭ praviedzienyja pieratrusy. Prakuratura nie vyklučaje, što mohuć być novyja zatrymańni.
Jak piša hazieta, miarkujecca, afiora pačałasia vosieńniu minułaha hoda, tady ž u dačynieńni da Karniłava była zaviedzienaja hramadzianskaja sprava, jakaja razhladałasia ŭ Talinskim akruhovym sudzie. Z materyjałaŭ spravy vynikała, što Karniłaŭ kiravaŭ MTÜ Altmedia razam ź Irynaj Kałabinaj, praz dadzienaje NKA pravodzilisia nieisnujučyja ździełki, i takim čynam vyvodzilisia hrošy i ź ich nie płacilisia padatki.
Padatkaviki jašče ŭ vieraśni minułaha hoda padali zajavu aryštavać rachunki MTÜ Altmedia, bo byli padstavy mierkavać, što ŭ buchhałteryju byli ŭpisany ździełki, jakija na samaj spravie nie adbyvalisia. U letašnim vyrašeńni suda značyłasia, što takim čynam praz NKA prosta vyvodzilisia hrošy — 50 000 jeŭra.
Karniłaŭ zapisaŭ u buchhałteryi, što NKA Altmedia padavała pasłuhi nastupnym jurydyčnym asobam: MTÜ Baltnewsmedia, MTÜ Rahva Õiglustunne, MTÜ Vinterex i OÜ Rona International.
Nasamreč ža Karniłaŭ vyvodziŭ hrošy praz svaje ž NKA ŭ Rona International OÜ, adkul srodki vymali ŭžo najaŭnymi, aformiŭšy ŭ vyhladzie pazyki na imia byłoha muža siabra praŭleńnia firmy Natalli Rajko. Najaŭnyja hrošy ŭ vyniku viartalisia da Karniłava. U spravie havorycca, što paśla vyviadzieńnia ź firmy hrošaj Karniłaŭ kłaŭ sabie na asabisty rachunak bujnyja sumy.
Usie pieraličanyja vyšej NKA źviazanyja pamiž saboj i z Karniłavym. Jon ich kantraluje. U materyjałach spravy havorycca, što hrošy pastupali na rachunak MTÜ Altmedia z Hałandyi i Rasii. Palicyja biaśpieki nie raz zhadvała Karniłava i jaho vydańni ŭ svaich štohodnikach. EPL robić vysnovu, što siabra KSRSE kłaŭ u kišeniu vydzielenyja jamu na prapahandysckuju dziejnaść rasijskija hrošy. Tak, partał Baltnews finansujecca praz zarehistravanuju ŭ Hałandyi kampaniju Media Capital Holding BV, jakuju kantralujuć asoby, źviazanyja ź MIA «Rasija siońnia».
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary