Biełaruska Alina Tałaj nie zmahła vyjści ŭ finał alimpijskich spabornictvaŭ pa biehu na 100 mietraŭ z barjerami.
My ŭsie ź nieciarpieńniem čakali hetaha zabiehu, ale zamiest radaści atrymali bol i rasčaravańnie. Takoje pačućcio, što Alina Tałaj pierastrachavałasia na starcie, vielmi drenna pačała zabieh i adkaciłasia ŭ samy kaniec. Ale bližej da siaredziny dystancyi pačała vyhrabać i, zdavałasia, da finišu zojmie miesca ŭ zapavietnaj čaćviorcy (čas u zabiehu vychodziŭ vydatny).
Ale na vośmym barjery zdaryłasia samaja sapraŭdnaja katastrofa: Alina začapiła nahoj pieraškodu, źbiła sama sabie temp i finišavała apošniaj z vynikam 13,66.
Paśla zabiehu Tałaj, apuściŭšy hałavu, vielmi chutka pakinuła stadyjon. Biełaruska bieź finału, choć my tak vieryli.
U vyniku Tałaj pakazała najhoršy 21-y čas u paŭfinale. Nižej za biełarusku ŭ vynikovym pratakole tolki try dyskvalifikavanyja atletki.
Ciapier čytajuć
Staŭ viadomy prysud eks-pamočniku Łukašenki Iharu Bryło4
Kamientary